Z adkrytym listom da supracoŭnikaŭ siłavych struktur Biełarusi vystupiła hrupa ludziej starejšaha ŭzrostu, pieravažna vieteranaŭ pracy i piensijanieraŭ, aburanych napadam na Juliju Ściapanavu. «14 studzienia kala hadziny nočy ŭ Minsku na maładuju dziaŭčynu nakinulisia dvoje nieviadomych mužčyn u cyvilnym i, pavaliŭšy ŭ śnieh, źbili, abrezaŭšy papiarednie jaje vałasy», — pišuć aŭtary lista.
«Pamiatajcie, što vy davali klatvu słužyć svajoj krainie, svajmu narodu, i heta jość sensam vašaha žyćcia, vašym śviatym abaviazkam. Vy nikomu nie pavinny prysłuhoŭvać, jak nie pavinny i vykonvać złačynnyja zahady, jakimi b vyšejšymi čynami jany nie addavalisia», — havorycca ŭ liście.
Padpisanty cytujuć Kodeks Aficera MU, jahony punkt 9: «Ździajśnieńnie ŭčynkaŭ, niesumiaščalnych z paniaćciem aficerskaha honaru, niespałučalna z dalejšym prachodžańniem vajskovaj słužby i ciahnie za saboj dobraachvotny sychod aficera z vojskaŭ abo jaho zvalnieńnie pa chadajnictvie Aficerskaha schodu albo suda honaru aficeraŭ».
Siarod padpisantaŭ lista — Nina Bahinskaja, Siarhiej Chanžankoŭ, Maryja Karžanieŭskaja, Kaciaryna Sadoŭskaja, Taćciana Kim, Hanna j Viktar Šapućki, Taćciana Hračanikava, Alena Stoma. Usiaho pad listom — 25 podpisaŭ.
