Viadomamu rasijskamu błohieru i apazicyjanieru Alaksieju Navalnamu pradjavili abvinavačvańnie ŭ kančatkovaj redakcyi pa kryminalnaj spravie ab kradziažach na pradpryjemstvie «Kiraŭles».
Navalnaha abvinavačvajuć u «arhanizacyi rastraty čužoj majomaści ŭ asabliva bujnym pamiery», paviedamili ŭ Śledčym kamitecie Rasii (SKR). Pa hetym artykule apazicyjanieru pahražaje da 10 hadoŭ kałonii.
«Pa dadzienych śledstva, Navalny, źjaŭlajučysia daradcam hubiernatara Kiraŭskaj vobłaści, arhanizavaŭ kradziež majomaści Kiraŭskaha abłasnoha dziaržaŭnaha unitarnaha pradpryjemstva «Kiraŭles», ustupiŭšy ŭ zmovu z dyrektaram TAA «Viackaja Lasnaja kampanija» Piatrom Aficeravym i hienieralnym dyrektaram «Kiraŭles «Viačasłavam Opalevym», — zajaviŭ aficyjny pradstaŭnik SKR Uładzimir Markin.
Pa dadzienych śledstva, biudžetu Kiraŭskaj vobłaści ŭ vyniku kradziažu 10 tysiač kubamietraŭ lesu była naniesiena škoda na 16 młn rubloŭ (500 tys. dalaraŭ).
Navalny nieadnarazova admaŭlaŭ ŭsie abvinavačvańni.
Kamientary