Zhodna z papiarednim zaklučeńniem sudova-miedycynskaj ekśpiertyzy, znojdzienyja ŭ marazilniku pamierłaj minčanki čałaviečyja embryjony — heta miortvanarodžanyja dzieci, paviedamiŭ staršynia Śledčaha kamiteta Valancin Šajeŭ 24 studzienia na pres-kanfierencyi ŭ Minsku.
Nahadajem, niečakanuju znachodku zrabiŭ viečaram 22 studzienia 41-hadovy minčanin, pryjšoŭšy ŭ kvateru pamierłaj ad raku sužycielki, kab navieści tam paradak. U marazilniku ŭ kvatery pamierłaj 19 studzienia 36-hadovaj žančyny jon znajšoŭ, jak miarkujecca, trup niemaŭlaci, ab čym paviedamiŭ u Frunzienskaje RUUS stalicy.
Pry ahladzie śledča-apieratyŭnaja hrupa znajšła ŭ marazilniku try padobnyja ŭzory.
Była pryznačana
sudova-miedycynskaja ekśpiertyza. Skazać adrazu, što mienavita znojdziena — miortvyja niemaŭlaty abo čałaviečyja embryjony, ekśpierty nie zmahli, bo ŭzory byli zamarožany.
Pavodle słoŭ Šajeva, sudova-miedycynskuju ekśpiertyzu ŭdałosia pravieści tolki 24 studzienia. Daśledavańnie pakazała, što znojdzienyja — heta, jak miarkujecca, adzin chłopčyk i dźvie dziaŭčynki. «Dzieci danošanyja. Vykazana mierkavańnie ab tym, što jany naradzilisia miortvymi, zadychnuŭšysia va ŭłońni maci», — skazaŭ staršynia SK.
Chto źjaŭlajecca baćkami novanarodžanych, pakul nie ŭstanoŭlena. «Hienatypaskapičnaja ekśpiertyza dazvolić heta zrabić», — zapeŭniŭ Šajeŭ.
Kamientary