Aŭstralijskaja kampanija śćviardžaje, što znajšła radovišča słancavaj nafty z zapasami, jakija patencyjna mohuć pastavić Aŭstraliju pa hetym pakazčyku ŭ adzin šerah z Saudaŭskaj Aravijaj, adnak ich zdabyča — składanaja techničnaja zadača.
Pra heta paviedamlaje Russia Today.
Kampanija Linc Energy, jakaja bazujecca ŭ Bryśbienie, pradstaviła dźvie acenki aŭtarytetnych niezaležnych kansultantaŭ: firma DeGolyer and MacNaughton, jakaja śpiecyjalizujecca na kansałtynhu ŭ naftavaj pramysłovaści, aceńvaje patencyjnyja zapasy haručych słancaŭ u
basiejnie Arkarynha vakoł horada
«Kolki možna atrymać — heta zaŭsiody pytańnie. Budzie heta 3 miljardy barelaŭ abo 203? Navat kali heta 3 ci 4 miljardy barelaŭ — heta vialikaja znachodka ŭ hetaj častcy śvietu», — skazaŭ Reuters vykanaŭčy dyrektar Linc Energy Piter Bond.
Nafta ŭ basiejnie Arkarynhi schavanaja pad masiŭnym płastom słancavych parod taŭščynioj 1–2 kiłamietry. Jak praviła, naftu sa słanca zdabyvajuć tradycyjnym šlacham, kali słaniec zdrabniajuć, i arhaničnyja rečyvy ŭ im nahravajucca ŭ dastatkovaj stupieni dla stvareńnia vadkaj nafty. U Arkarynzie inžyniery znajšli naftu ŭ kroplach, što aznačaje, što jana ŭžo znachodzicca ŭ vadkim stanie i moža być zdabytaja z dapamohaj sučasnaha mietadu hidrarazryvu płasta. U toj ža čas, u adroźnieńnie ad ZŠA, dzie hidrarazryŭ płasta šyroka vykarystoŭvajecca i ŭvieś čas tańnieje, u Aŭstralii vydatki mohuć być našmat vyšejšyja.
Kamientary