Lidar KNDR Kim Čen Yn vydaŭ zahad ab uviadzieńni vajennaha stanovišča ŭ krainie ŭ suviazi z zapłanavanym vyprabavańniem jadziernaj zbroi, jakoje pavinna adbycca ŭ bližejšy čas.
Pra heta sa spasyłkaj na ananimnuju krynicu paviedamlaje 31 studzienia paŭdniovakarejskaja hazieta «Čunan Ilbo».
Pa dadzienych infarmatara vydańnia, vajennaje stanovišča ŭ KNDR było ŭviedziena z 00:00 hadzin 29 studzienia.
Usie prymiežnyja siły, a taksama vojski, jakija znachodziacca ŭ centralnaj častcy krainy, mielisia być pryviedzienyja ŭ bajavuju hatoŭnaść.
Akramia taho, krynica paviedamiła, što jadziernyja vyprabavańni buduć praviedzieny raniej, čym mierkavałasia ŭ presie.
Tak, vykazvalisia viersii, što jany adbuducca 16 lutaha, u dzień naradžeńnia byłoha lidara Paŭnočnaj Karei Kim Čen Ira, abo 25 lutaha, kali adbudziecca inaŭhuracyja prezidenta Respubliki Kareja Pak Kyn Chie.
Kamientary