«U krainie raście kolkaść chvorych na VRZ, ale vyjaŭlenych vypadkaŭ hrypu i hrypapadobnych zachvorvańniaŭ siarod ich mała, tamu pakul niama płanaŭ abviaščać epidemiju hrypu», — paviedamiła «Našaj Nivie» hałoŭny epidemijołah Ministerstva achovy zdaroŭja Ina Karaban.
«Pa stanie na čaćviorty tydzień studzienia virus hrypu byŭ vyjaŭleny ŭ 10% probaŭ. U trecim tydni studzienia hetaja ličba składała 6%», — paviedamiła śpiecyjalist.
«U Biełarusi ciapier vyjaŭlajecca virus hrypu A, a dakładniej, A(H1N1) i A(H3N2). Sparadyčnyja vypadki virusa hrypu B byli vyjaŭleny ŭ pačatku studzienia. A ŭ śniežni 2012 virusa hrypu na terytoryi Biełarusi vyjaŭleny nie byŭ», — kaža epidemijołah. Pa słovach Iny Karaban, mienš za ŭsich «chvareje» na VRZ Homielskaja vobłaść, u astatnim situacyja pa Biełarusi dastatkova «roŭnaja».
Epidemijołah miarkuje, što epidemii ŭ hetym hodzie moža i nie być, bo 30% nasielnictva byli pryščepleny ad hrypu. Ale kali vy nie pryščapilisia, ciapier rabić heta biessensoŭna: dla farmiravańnia imunitetu treba ad dvuch da čatyroch tydniaŭ. Zvyčajnaje akno dla pryščepak — ad kastryčnika pa śniežań.
Ahulnaja kolkaść zvarotaŭ sa skarhami na hrypapadobnyja simptomy ŭ Biełarusi zastajecca nievialikaja, choć i pieravyšaje pakazčyki anałahičnaha pieryjada 2012 hoda. Bolšaść skarhaŭ prypadaje na ŭzrostavuju hrupu ad 0 da 4 hadoŭ, dzieci i padletki ad 5 da 14 hadoŭ — druhaja pa kolkaści hrupa. Kolkaść skarhaŭ na VRZ zastajecca na ŭzroŭni minułaha hoda.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary