DAI papiaredžvaje: na darozie hałalodzica

«Na bolšaj častcy krainy ŭstanaviłasia adližnaje vietranaje nadvorje. Darožnuju abstanoŭku taksama ŭskładniajuć doždž, mokry śnieh, tumany i hałalodzica», —

U składanych darožnych umovach Dziaržaŭtainśpiekcyja rekamienduje vadzicielam być vielmi ŭvažlivymi i aściarožnymi za rulom. Vybirać biaśpiečnuju chutkaść, pavialičyć dystancyju i bakavy intervał pamiž transpartnymi srodkami, paźbiahać rezkich manieŭraŭ i tarmažeńniaŭ, vyklučyć vyjezd na pałasu sustrečnaha ruchu.

Padčas mocnych apadkaŭ i ŭ tumanie nieabchodna ruchacca z uklučanym blizkim śviatłom far.

U svaju čarhu, usim piešachodam nieabchodna z pavyšanaj aściarožnaściu pierasiakać prajeznuju častku — tolki va ŭstanoŭlenych miescach i pierakanaŭšysia, što ŭsie aŭtamabili paśpieli spynicca. Doždž i sustrečnaje aślapleńnie pieraškadžajuć vadzicielu svoječasova ŭbačyć čałavieka na darozie. Tamu vielmi važna pakłapacicca ab abaznačeńni siabie na darozie va ŭmovach abmiežavanaj bačnaści: viełasipiedystam vykarystoŭvać aktyŭnaje śviatło i kamizelki pavyšanaj bačnaści, piešachodam nasić śviatłoadbiŭnyja elemienty. Pry hetym važna, kab flikiery byli bačny vadzicielu, a nie zakryty składkami adzieńnia.

U metach arhanizacyi biaśpieki darožnaha ruchu ŭ vychadnyja dni Dziaržaŭtainśpiekcyja budzie pracavać pa papiaredžańni i spynieńni hrubych parušeńniaŭ PDR vadzicielami i piešachodami.

Śpiecpadraździaleńnie darožna-patrulnaj słužby «Strała», a taksama asabovy skład bataljonaŭ DPS DAI UUS abłvykankamaŭ buduć akazvać dapamohu pa arhanizacyi biaśpieki darožnaha ruchu terytaryjalnym padraździaleńniam u najbolš niepaśpiachovych u płanie avaryjnaści rehijonach.

Siłami miascovych DAI budzie pravodzicca adpracoŭka aŭtadaroh i nasielenych punktaŭ na terytoryi absłuhoŭvańnia pa vyjaŭleńni parušeńniaŭ PDR piešachodami, svoječasovym vyklučeńni piešachodaŭ z prajeznaj častki ŭ ciomny čas sutak.

U mnohich rajonach Homielskaj i Mahiloŭskaj abłaściej zapłanavana praviadzieńnie śpiecyjalnych mierapryjemstvaŭ pad umoŭnaj nazvaj «Filtr» z pryciahnieńniem inšych słužbaŭ milicyi (kryminalny vyšuk, departamient pa hramadzianstvie i mihracyi, AMAP, departamient achovy i inš.).

Akramia taho, supracoŭniki DAI buduć arhanizoŭvać biaśpieku darožnaha ruchu pablizu škoł padčas praviadzieńnia sustreč vypusknikoŭ minułych hadoŭ.

• 0
• 0
• 0
• 0
• 0
• 0
• 0
• 0