Milicyjant Džyha zatrymaŭ kobrynskaha aktyvista Miecha za «padazronyja» razmovy ŭ čarzie
U Kobrynie Aleś Miech byŭ zatrymany milicyjantam u čarzie na flurahrafiju.Padyjšoŭšamu supracoŭniku miascovaha RAUS Anatolu Džyhu nie spadabałasia pryvatnaja razmova hramadskaha aktyvista z susiedkaj pa čarzie ab novych pazykach Biełarusi.
Spadar Miech skazaŭ, što ŭ našych dziaciej nie budzie budučaha, bo mienavita im pryjdziecca addavać hetyja pazyki.
Džyha, pa słovach Miecha, vyvieŭ jaho z čarhi, zatym na vulicu i patelefanavaŭ u KDB. Milicyjant prakamientavać situacyju admoviŭsia.
Jak paźniej raspavioŭ zatrymany,
zamiest čakajemaj mašyny z KDB da ich padjechała milicejskaja “Niva” i zaviezła ŭ Kobrynski RAUS.Džyha pajšoŭ u dziažurnuju častku pisać rapart, a da zatrymanaha Miecha padyjšoŭ supracoŭnik KDB. Jon pačaŭ razmaŭlać zusim nie pa dadzienaj situacyi.
Aktyvist jamu skazaŭ, što toj pavinien viedać rodnuju movu i razmaŭlać na joj, kali abaraniaje dziaržavu. Na hetym stasunki z supracoŭnikam KDB skončylisia, a spadara Miecha zaviali ŭ adzin z kabinietaŭ i zapatrabavali pisać tłumačalnuju.
U tłumačalnaj aktyvist raspavioŭ, što čałaviek u cyvilnym u paliklinicy padčas jaho razmovy z susiedkaj pa čarzie pra dziaržaŭnyja daŭhi i pra ciažar ich addačy ŭmiašaŭsia ŭ razmovu i zapatrabavaŭ ad Miecha vyjści razam ź im. Pierad usim hety čałaviek nie pradstaviŭsia, ale aktyvist vyjšaŭ z čarhi i tolki tady daviedaŭsia, što Anatol Džyha – supracoŭnik milicyi. Pasadu i zvańnie Aleś pračytać nie paśpieŭ. Džyha vyklikaŭ KDB.
U milicyi paviedamili, što
Anatol Džyha pracuje ŭčastkovym i maje zvańnie majora milicyi.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary