Pry ŭviadzienni novych Praviłaŭ biełaruskaj arfahrafii i punktuacyi płanujecca praduhledzieć pierachodny pieryjad. Ab hetym karespandentu «Źviazdy» paviedamiŭ staršynia Kamisii pa adukacyi, kultury, navucy i navukova‑techničnamu prahresu Pałaty pradstaŭnikoŭ Nacyjanalnaha schodu Uładzimir Zdanovič.
Pavodle słoŭ parłamientaryja, pierachodny pieryjad, vierahodna, budzie praduhledžvać mahčymaść vykarystańnia ŭ aficyjnych znosinach hramadzian i ŭstanoŭ jak dziejučych zaraz normaŭ arfahrafii i punktuacyi, tak i novych normaŭ, jakija Pałata pradstaŭnikoŭ płanuje pryniać u chutkim časie. Pierachodny pieryjad, jak miarkuje Uładzimir Zdanovič, moža skłasci 3—4 hady. «5 hadoŭ — heta maksimum».
Abmierkavać pałažeńnie pra ŭviadzieńnie pierachodnaha pieryjadu płanujecca 26 lipienia padčas pasiadžeńnia rabočaj hrupy Kamisii pa adukacyi, kultury, navucy i navukova‑techničnamu prahresu, jakaja zajmajecca raspracoŭkaj prajekta Zakona «Ab Praviłach biełaruskaj arfahrafii i punktuacyi». Jak paviedamiŭ Uładzimir Zdanovič, u pasiadženni akramia parłamientaryjaŭ voźmuć udzieł pradstaŭniki Ministerstva adukacyi i Nacyjanalnaj akademii navuk.
Taksama padčas pasiadžeńnia buduć razhladacca kankretnyja pytanni źmianieńnia arfahrafičnych normaŭ biełaruskaj movy. U jakasci prykładu Uładzimir Zdanovič pryvioŭ nastupnuju situacyju. «My pryzvyčailisia pisać «Jupiter». A nam prapanujecca pisać «Jupitar». I budzie niešta nie zusim dobraje. Treba budzie abmierkavać hetaje pytańnie. Asabista ja vystupaju za napisańnie «Jupiter». Bo heta astranamičnaja nazva, napisańnie ŭžo ŭkaraniłasia ŭ praktyku… Dy i niekatoryja imiony pry hetym pacierpiać. Kali siońnia my pišam i ŭsie vymaŭlajuć «Piter Pen», to my ž nie pavinny pisać «Pitar Pen».
«Usio heta my robim dla taho, kab užo na vosieńskaj siesii razhledzieć dapracavany pa asnoŭnych pazicyjach zakonaprajekt. I kab potym praściej viałasia praca pa padrychtoŭcy jaho da druhoha čytańnia, bolš apieratyŭna».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)