Luboŭ Kavalova stała Čałaviekam hoda Viciebska-2012
Zhodna vynikaŭ hałasavańnia, jakoje pravodziłainternet-vydańnie «Narodnyja naviny Viciebska», Čałaviekam hodaViciebska-2012 abrali Luboŭ Kavalovu — maci asudžanaha za terakt u minskim mietro i rasstralanaha ŭ sakaviku 2012 hoda Uładzisłava Kavalova.
Hetaja žančyna nie pakinuła zmahacca za svajho syna i paśla vykanańnia prysudu. Zaraz jana damahajecca vydačy cieła rastralanaha Uładzisłava Kavalova, dahetul joj viarnuli navat nie ŭsie jaho asabistyja rečy. Razhledziŭšy zajavu spadaryni Kavalovaj, Kamitet pa pravach čałavieka AAN znajšoŭ, što ŭ adnosinach da jaje syna byli parušanyja prava na žyćcio i abaronu, prezumpcyja nievinavataści i spraviadlivaha sudovaha raźbiralnictva, prava pierahladu sudovaha rašeńnia. Taksama, na dumku Kamiteta, Biełaruś parušyła šerah pałažeńniaŭ Pakta pra hramadzianskija i palityčnyja pravy.
U sioletnim hałasavańni pryniali ŭdzieł 839 čałaviek. Za Luboŭ Kavalovu było addadziena 293 hałasy, i, takim čynam, jana nabrała 35%.Na druhim miescy apynuŭsia viadomy viciebski aktyvist Siarhiej Kavalenka, jaki atrymaŭ 24% hałasoŭ.
«Narodnyja naviny Viciebska» vyznačyli najvybitniejšuju asobu horada piaty raz. U papiarednija hady zvańniem «Čałaviek hoda Viciebska» byli ŭhanaravanyja biznesmien i kulturny dziejač Haryk Ahandžanian (2011), studentka EHU Kasia Ściapanava (2010), staršynia Viciebskaha abłvykankama Alaksandr Kosiniec (2009 hod), «Mis Biełaruś» Volha Chižynkova (2008 hod).
U zahinułaj u Ślapiancy dziaŭčynie apaznali Janu Kastrankovu2
Kamientary