Hałoŭnaha treniera barysaŭskaha BATE Viktara Hančarenku tryvožać dziejańni kamandy ŭ atacy. Pra heta jon zajaviŭ
Hančarenka rastłumačyŭ, što jaho padapiečnyja nie zmahli zabić u dvuch apošnich sparynhach: z bałharskim «Liteksam» [0:0] i małdaŭskim «Miłsami» [0:0].Pry hetym jon panarakaŭ na traŭmy Paŭła Niachajčyka i Ilji Aleksijeviča, hetyja hulcy «ŭnieśli b jakasnuju raznastajnaść u ataki».
«Jak zaŭsiody, pracavali ŭ dobrych umovach — heta ŭžo samo samoj zrazumieła, — adznačyŭ trenier.— Praciahvajem nabirać formu: u kamandy źjavilisia siła, dumka, ruch. Niadrenna vyhladajem na praciahu 90 chvilin. Možna skazać, usio, što zapłanavali na hety zbor, vykanali. Kali na pieršym bolšy ŭchił rabili na adpracoŭku abarončych dziejańniaŭ, to ciapier zajmalisia atakoŭcami».
Hančarenka admoviŭsia kamientavać kandycyi lidara BATE Alaksandra Hleba:«Nie zusim pravilna aceńvać kožnaha paasobku. Futbalisty pieranosiać nahruzki
Trenier niadobra adazvaŭsia pra sychod z kamandy ispanskaha treniera pa fizpadrychtoŭcy Chase Pastara Vierčyli:«Zastaŭsia niepryjemny asadak. Kali Piepie chacieŭ syści, pra heta treba było havaryć u śniežni, a nie paśla taho, jak jon pradoŭžyŭ kantrakt z BATE, prajšoŭ pieršy zbor. Ale kožny sam vybiraje svoj šlach. Ja nie maju prava nikoha sudzić. A dla nas žyćcio praciahvajecca. Kali čałaviek doŭha pracuje z taboj, to ŭžo na ŭzroŭni padśviadomaści viedaješ, na kim jakija abaviazki. Ty ŭpeŭnieny ŭ hetych ludziach — tyja ž ispancy dobra viedali svaju spravu i daskanała jaje vykonvali. Ź inšaha boku, u nas kvalifikavany trenierski štab. My pieraraźmierkavali front rabot z Alaksandram Jermakovičam i Alaksiejem Baham. Napeŭna, spačatku była peŭnaja naciahnutaść, ale potym, liču, my jaje likvidavali».
14 i 21 lutaha ŭ Hrodnie i Stambule BATE praviadzie matčy 1/16 finału Lihi Jeŭropy UEFA suprać tureckaha «Fienierbachče».
Kamientary