U studzieni 2013 hoda pasažyrskija pieravozki źnizilisia na 3%
U studzieni 2013 hoda ŭsimi vidami transpartu pieravieziena 122,5 młn. čałaviek, što na 3,3% mienš, čym u studzieni 2012 hoda, paviedamlaje Biełstat.
Pieravozki pasažyraŭ pavietranym transpartam pavialičylisia na 27%, čyhunačnym transpartam — na 1,5%, aŭtobusami źnizilisia na 3,5%.
U ahulnym abjomie pieravozak pasažyraŭ aŭtobusami ŭ rehularnych znosinach dola haradskich pieravozak pasažyraŭ skłała 94%, pryharadnych — 5,2%, mižharodnich — 0,7%, mižnarodnych — 0,1%.
U studzieni 2013 hoda ŭ paraŭnańni sa studzieniem 2012-ha košt prajezdu pasažyraŭ čyhunačnym transpartam u mižrehijanalnych znosinach uzros u 1,5 razu, u ciahniku ekanamkłasa rehijanalnych znosinaŭ — na 40%, u mižnarodnych znosinach — na 36,1%. Košt prajezdu aŭtamabilem-taksi pavialičyŭsia ŭ 1,5 razu, aŭtobusam mižharodnich znosinaŭ — na 34,2%, haradskim transpartam — na 28,1%, aŭtobusam pryharadnych znosinaŭ — na 20%, pavietranym transpartam — na 7,7%.
U studzieni 2013 hoda ŭ paraŭnańni sa śniežniem 2012 hoda košt prajezdu pasažyraŭ ciahnikom mižnarodnych znosinaŭ pavialičyŭsia na 7,5%, aŭtamabilem-taksi — na 5,6%, pavietranym transpartam — na 2,6%, aŭtobusam mižharodnich znosinaŭ — na 0,8%. Košt prajezdu pasažyraŭ ciahnikom mižrehijanalnych znosinaŭ pavialičyŭsia na 23%, rehijanalnych zsnoinaŭ ekanamkłasa — na 16,7%. Košt prajezdu haradskim transpartam, aŭtobusam pryharadnych znosinaŭ zastaŭsia bieź źmianieńniaŭ.
Za pieršy miesiac hetaha hoda arhanizacyjami pieravieziena 34 młn. ton hruzaŭ (na 2,7% mienš, čym u studzieni minułaha hoda).
Hruzaabarot transpartu skłaŭ 9,8 młrd. t•km, što na 3,9% mienš, čym u studzieni 2012 hoda. Hruzaabarot trubapravodnaha transpartu skłaŭ 5,1 młrd. t•km, čyhunačnaha — 3,4 młrd. t•km, aŭtamabilnaha transpartu — 1,2 młrd. t•km.
Kamientary