Kampanija zapeŭnivaje, što pryvatnaść asabistych dadzienych karystalnikaŭ pry hetym nie paciarpieła.
Pradstaŭniki Facebook zajavili, što hetaja najbujniejšaja ŭ śviecie sacyjalnaja sietka ŭ studzieni hetaha hoda «padvierhnułasia sieryi chakierskich napadaŭ».
Bolš za miljard čałaviek u śviecie karystajucca sacyjalnaj sietkaj Facebook, jakaja bazujecca ŭ Kalifornii.
Pradstaŭniki siervisu śćviardžajuć, što chakiery ŭzłamali sistemu, paśla taho jak niekalki supracoŭnikaŭ Facebook zajšli na raniej uzłamany sajt raspracoŭnika mabilnych dadatkaŭ, i ŭ vyniku škodnyja prahramy zahruzilisia na ich łaptopy.
«Vidavočna, što byli taksama ŭzłamanyja sajty inšych kampanij. Naša firma adnoj ź pieršych vyjaviła škodnyja prahramy, i my adrazu ž paviedamili pra heta inšym kampanijam, jakija padvierhlisia padobnym napadam», — skazali pradstaŭniki Facebook.
Niadaŭna sajt mikrabłohaŭ Twitter pryznaŭ, što pry ŭzłomie byli skradzienyja 250.000 akaŭntaŭ karystalnikaŭ, u tym liku paroli, elektronnyja adrasy i inšyja dadzienyja.
Kamientary