22 lutaha, a19-j hadzinie Dziaržaŭny litaraturny muziej Janki Kupały (Minsk, vuł. Kupały, 4) zaprašaje pryniać udzieł u «Nočy biełaruskaj litaratury», prymierkavanaj da Mižnarodnaha dnia rodnaj movy.
Admysłovaja litaraturnaja kaviarnia padoryć kožnamu amataru sapraŭdnaha mastactva mahčymaść adčuć smak biełaruskaha słova, natalicca miłahučnaściu aŭtarskaj pieśni.
Impreza projdzie ŭ farmacie svabodnaha mikrafona. Hetym viečaram naviedvalniki muzieja zmohuć nie tolki paznajomicca z tvorčaściu sučasnych biełaruskich litarataraŭ, ale i pradstavić na sud aŭdytoryi svaje tvory.
Padčas «Nočy biełaruskaj litaratury» prahučać tvory maładych litarataraŭ supołki «Litaraturnaje pradmieście» pad kiraŭnictvam Ludmiły Rubleŭskaj, udzielnikaŭ paetyčnaha hurtka «Altanka» pad kiraŭnictvam Iryny Bahdanovič, aŭtaraŭ časopisa «Maładość», łaŭreataŭ konkursu aŭtarskaj pieśni Siarhieja Bašłykieviča, hurtoŭ «Nielha zabyć» i «aRBa».
Adčujcie ŭtulnuju atmaśfieru litaraturnaj kaviarni za kubačkam harbaty! Padarycie adzin adnamu dobry nastroj zimovym viečaram!
Uvachod: 6 000 rub.
Kamientary