Prablemy svabody ŚMI ŭ šerahu krain, u tym liku ŭ Biełarusi, abmiarkoŭvalisia 21 lutaha ŭ Vienie na pasiadžeńni Kamiteta pa demakratyi, pravach čałavieka i humanitarnych pytańniach Parłamienckaj asamblei ABSIE.
Jak paviedamiŭ lidar Abjadnanaj hramadzianskaj partyi Anatol Labiedźka, jaki ŭdzielničaje ŭ mierapryjemstvach u miežach siesii, ad biełaruskaha boku vystupili kiraŭnik hramadskaha abjadnańnia «Biełaruskaja asacyjacyja žurnalistaŭ» (BAŽ) Žanna Litvina i namieśnik staršyni Pałaty pradstaŭnikoŭ Nacyjanalnaha schodu Viktar Huminski.
«Žanna Litvina paviedamiła pra kankretnyja prablemy, ź jakimi sutykajucca žurnalisty ŭ Biełarusi. U pryvatnaści, byli ahučany spravy Antona Surapina i Andreja Pačobuta. Akramia taho, Litvina havaryła pra adpiski z Pałaty pradstaŭnikoŭ, jakija prychodzili ŭ adkaz na prapanovu BAŽ pravieści kruhły stoł pa prablemach ŚMI», — raskazaŭ Labiedźka.
Vystupleńnie Huminskaha, pavodle jaho słoŭ, «było apraŭdalnym». «Jon nie adreahavaŭ na vykazvańni Litvinoj, nie staŭ kamientavać słovy pra toje, što Biełaruś uvachodzić u trojku krain ABSIE, naroŭni z Kazachstanam i Turkmienistanam, jakija majuć samyja vialikija prablemy sa svabodaj presy. Zamiest hetaha jon paskardziŭsia na toje, što žurnalisty (peŭna, mielisia na ŭvazie dziaržaŭnyja prapahandysty) uklučany ŭ čornyja śpisy», — adznačyŭ palityk.
Labiedźka taksama paviedamiŭ, što siońnia pavinny adbycca jaho sustrečy z pradstaŭnikami Litvy i Šviecyi.
Zaŭtra, 22 lutaha, lidar AHP płanuje vystupić na pasiadžeńni kruhłaha stała pa situacyi ŭ Biełarusi. Ad biełaruskaha boku zapłanavany taksama vystupleńni Litvinoj,
