U Homielskaj vobłaści hety piłotny prajekt realizujecca na bazie Babickaj dapamožnaj škoły-internata Rečyckaha rajona. Mienavita tut tak zvanuju sacyjalnuju pieradyšku mohuć atrymać siemji, jakija vychoŭvajuć dziaciej z asablivaściami raźvićcia va ŭzroście 7- 18 hadoŭ, jakija majuć patrebu ŭ dohladzie i zdolnyja pierasoŭvacca samastojna.
Pasłuha zaklučajecca ŭ časovym kruhłasutačnym znachodžańni dziciaci ŭ hetaj ustanovie, dzie jano ŭklučajecca ŭ adukacyjny praces škoły, a taksama ŭ zabaŭlalnyja mierapryjemstvy: tvorčuju i hulniavuju dziejnaść, prahramy reabilitacyi. Termin znachodžańnia ŭ prahramie «Sacyjalnaja pieradyška» składaje 28 dzion na hod.
Iryna Bajdakova ŭdakładniła, što Babickaja dapamožnaja škoła-internat — dziaržaŭnaja ŭstanova, u jakoj pražyvajuć i navučajucca dzieci-siroty i dzieci, jakija zastalisia biez apieki baćkoŭ. Va ŭstanovie pracujuć daśviedčanyja nastaŭniki, vychavalniki, piedahohi dadatkovaj adukacyi, psichołahi. Navučańnie dziaciej pravodzicca pa prahramie I i II adździaleńnia dapamožnaj škoły. Jość dobryja ŭmovy dla adpačynku i reabilitacyi u nievučebny čas. Tut funkcyjanujuć 10 hurtkoŭ, stalarnyja i šviejnyja majsterni, muziej «Biełaruskaja chatka». Papularnaściu siarod vychavancaŭ karystajecca vajenna-histaryčnaje madelavańnie — vyrab sapraŭdnych rycarskich daśpiechaŭ. Na kožnym paviersie jość utulnyja choły i pakoi dla sumiesnych hulniaŭ i zaniatkaŭ.
Iryna Bajdakova dadała, što prajekt realizujecca pry padtrymcy Ministerstva pracy i sacyjalnaj abarony nasielnictva i Ministerstva adukacyi Biełarusi, a taksama zamiežnych partnioraŭ. Hod tamu pasłuha sacyjalnaj pieradyški była ŭkaranionaja ŭ Minsku. Pačynajučy z hetaha hoda jana taksama pradstaŭlajecca ŭ Homielskaj i Minskaj abłaściach. Asnoŭnaja meta prajekta — dać baćkam, jakija vychoŭvajuć dziaciej-invalidaŭ, mahčymaść karotkaha adpačynku.
