Pradstaŭnik biełaruskaha MZS zaklikaŭ Viarchoŭnaha kamisara AAN pa pravach čałavieka źviarnuć uvahu na sankcyi, uviedzienyja Jeŭrasajuzam i ZŠA ŭ dačynieńni da niekatorych krain, u tym liku i da Biełarusi.Pra heta zajaviŭ namieśnik načalnika hałoŭnaha ŭpraŭleńnia šmatbakovaj dypłamatyi MZS Biełarusi Jaŭhien Łazaraŭ 4 sakavika, vystupajučy padčas interaktyŭnaha dyjałohu ź Viarchoŭnym kamisaram AAN pa pravach čałavieka ŭ Ženievie.
Jon taksama adznačyŭ "praciahły hieahrafičny dysbałans u pracy Viarchoŭnaha kamisara i jaje ofisa". "Asnoŭnaja ŭvaha pa-raniejšamu nadajecca krainam Poŭdnia, pry hetym biez uvahi zastajucca vypadki parušeńniaŭ pravoŭ čałavieka ŭ hetak zvanych krainach z adbytaj demakratyjaj, — skazaŭ Łazaraŭ. —
U svaim dakładzie ab parušeńni pravoŭ čałavieka ŭ 2012 hodzie Biełaruś zafiksavała zvyš 200 najbolš hrubych parušeńniaŭ u krainach ES, Narviehii, Šviejcaryi, ZŠA, Kanadzie.Viarchoŭny kamisar i jaje šmatliki aparat nie zafiksavali nivodnaha. Tolki za apošnija niekalki miesiacaŭ najbolš hrubyja rezanansnyja parušeńni pravoŭ čałavieka adbylisia ŭ Hiermanii, Polščy, Vialikabrytanii, Ispanii, Słavienii, Bielhii, Bałharyi, ZŠA. Upraŭleńnie i Viarchoŭny kamisar ža publična kamientujuć tolki situacyju ŭ Afrycy i Azii".
Pry hetym Łazaraŭ padkreśliŭ, što Biełaruś hatovaja dapamahać Upraŭleńniu Viarchoŭnaha kamisara AAN pa pravach čałavieka ŭ vyjaŭleńni parušeńniaŭ pravoŭ čałavieka.
"Miarkujem taksama, što tatalnaja zaležnaść upraŭleńnia ad finansavańnia z boku ES i ZŠA faktyčna paralizuje jaho pracu, vymušaje prasoŭvać mižnarodny paradak dnia hetych krain, asnoŭnym elemientam jakoha tradycyjna źjaŭlajucca šantaž i zapałochvańnie. Prapanoŭvajem Viarchoŭnamu kamisaru aficyjna inicyjavać kansultacyi pa pytańni pavieličeńnia finansavańnia ŭpraŭleńnia ź biudžetu AAN", — skazaŭ Łazaraŭ.
Jon taksama zaznačyŭ, što ŭpieršyniu za historyju ŭzajemadziejańnia pamiž Biełaruśsiu i Upraŭleńniem Viarchoŭnaha kamisara pa pravach čałavieka (UVKPČ) pačynajecca realizacyja prajekta techničnaha supracoŭnictva. "Pa prośbie Biełarusi ŭ 2013 hodzie ŭpraŭleńniem budzie realizavany prajekt u śfiery abarony pravoŭ čałavieka ŭ kantekście baraćby z handlem ludźmi, — skazaŭ jon. — U mai ŭ Minsku adbudziecca sieminar pradstaŭnikoŭ pravaachoŭnych orhanaŭ Hrupy siabroŭ, jakija abjadnalisia ŭ baraćbie z handlem ludźmi, u jakim voźmuć udzieł 22 krainy, najbolš aktyŭnyja ŭ śfiery antytrafikinhu, a taksama pradstaŭniki mižnarodnych i niaŭradavych arhanizacyj, uklučajučy UVKPČ. Asabliva chočam adznačyć, što prajekt u śfiery supraćdziejańnia handlu ludźmi staŭ mahčymy ŭ Biełarusi dziakujučy finansavaj padtrymcy Rasii".
Kamientary