Kali my raspačynali naša apytańnie, to Viktar Šejman zajmaŭ ścipłuju pasadu pamočnika pa asablivych daručeńniach, što praduhledžvała vizity ŭ Vieniesuełu i inšyja krainy «treciaha śvietu».Zdavałasia, što Šejman užo nie maje taho upłyvu, jaki mieŭ zusim niadaŭna. Ale ekśpierty ŭsio adno nazyvali jaho adnym ź pieršych.
Šejmana bajacca. Złaviesny šlejf ciahniecca za im ad 1999, kali ŭ bytnaść Šejmana dziaržsakratarom Rady Biaśpieki źnikli bieź śladoŭ hienierał Zacharanka, a taksama Hančar i Krasoŭski. U 2008 Šejman straciŭ vysokuju pasadu, ale nie ŭpłyŭ. Jon pa-raniejšamu biarecca za samyja składanyja daručeńni.
Cikava, što mienavita hołas Viktara Šejmana pazityŭna vyrašyŭ pytańnie ab zaćviardžeńni bieł-čyrvona-biełaha ściaha i «Pahoni» ŭ 1991.A jašče Šejman uvachodziŭ u nacyjanalna skiravanaje Zhurtavańnie biełaruskich vajskoŭcaŭ, jakoje ŭznačalvaŭ Mikoła Statkievič.
***
Cytata: «Asartymient pasłuh u Biełarusi ŭ razy nižejšy, čym u zachodnich krainach».
Červień 2012.
***
Abjektyŭka
Naradziŭsia ŭ 1958 u vioscy Sałtaniški (Voranaŭski rajon). Słužyŭ u Savieckaj Armii, u tym liku ŭ Afhanistanie. U 1990—1995 byŭ deputatam Viarchoŭnaha Savieta ad vajskovaha rajona Bresta. U 1994—2000 zajmaŭ pasadu dziaržaŭnaha sakratara Rady Biaśpieki. U 2000—2004 — hienieralny prakuror. Ad 2004 da studzienia 2006 — kiraŭnik Administracyi prezidenta. Uznačalvaŭ pieradvybarny štab Łukašenki na prezidenckich vybarach. Ad sakavika 2006 — dziaržsakratar Rady Biaśpieki Biełarusi. U lipieni 2008 byŭ adpraŭleny ŭ adstaŭku praz vybuch na Dzień Respubliki. Byŭ pamočnikam Łukašenki pa asablivych daručeńniach. Ad studzienia 2013 — kiraŭnik spravaŭ prezidenta.
***
Piać faktaŭ pra Viktara Šejmana
Heta inšaje? Na čym padstaŭlajuć udzielnikaŭ fłešmobu «Nado!»14
Kamientary