Rod Ściuart upieršyniu za 12 hadoŭ zrabiŭ albom biez kavieraŭ 1

Brytanski muzykant Rod Ściuart zapisaŭ novy albom, u jakim upieršyniu za 12 hadoŭ niama kavier-viersij. Dysk pad nazvaj «Time» vyjdzie 7 maja.

Pieśni z hetaha alboma napisany Ściuartam uvosień 2012 hoda. Muzyka, anansujučy svaju novy albom, nazvaŭ jaho dobrym i staramodnym. «Tam šmat mandaliny, akustyčnaj hitary, skrypki i dobrych tekstaŭ», — skazaŭ śpiavak.

Časopis Billboard, karespandenty jakoha pasłuchali novy albom na prezientacyi ŭ Ńju-Jorku, piša, što pieśni nahadali im takija staryja chity Ściuarta, jak «Lost In You», «Maggie May», «Da Ya Think I'm Sexy?» i «Infatuation».

Z 2011 hoda muzyka zapisaŭ 9 albomaŭ, u tym liku sieryju «The Great American Songbook», jakija składalisia ź pieraśpiavanych chitoŭ inšych muzykaŭ.

68-hadovy Rod Ściuart pačaŭ svaju muzyčnuju karjeru ŭ 17 hadoŭ. Jon byŭ udzielnikam takich kalektyvaŭ, jak The Jeff Beck Group i The Faces. Najbolšuju viadomaść jamu pryniesła solnaja karjera. Ściuart zapisaŭ 28 studyjnych albomaŭ. Jaho płaścinki razyšlisia, pa roznych acenkach, ad 100 miljonaŭ da 200 młn asobnikaŭ.

0

0

0

0

0

0

lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH