Biełaruś vypłaciła MVF $82,2 miljona pa asnoŭnym doŭhu kredytu
Sioleta - pik vypłat pa kredytu.
Biełaruś siońnia ŭ metach vykanańnia svaich abaviazacielstvaŭ pa kredytu stend-baj Mižnarodnaha valutnaha fondu ažyćciaviła pahašeńnie asnoŭnaha doŭhu ŭ pamiery $82,2 młn.
Heta ŭžo vośmaje pahašeńnie asnoŭnaha doŭhu pa kredytu stend-baj MVF. Pry hetym piać ź ich na ahulnuju sumu 303,5 młn. SDR (ekvivalent $465,2 młn.) adbylisia ŭ 2012 hodzie. Takim čynam, u biahučym hodzie respublika ažyćciaviła pahašeńnie asnoŭnaha doŭhu pa kredytu MVF užo treci raz. Papiaredni raz, 23 studzienia, Biełaruś vypłaciła 54,7 młn. SDR, što było ekvivalentna $84,1 młn.
U 2011 hodzie Biełaruś ažyćciaŭlała tolki pracentnyja płaciažy pa kredytu stend-baj — na ahulnuju sumu 54,7 młn. SDR.
Pik vypłat pa kredytu prypadaje na 2013 hod.
U kancy 2008 hoda biełaruskija ŭłady źviarnulisia da kiraŭnictva Mižnarodnaha valutnaha fondu z prośbaj ab zaklučeńni kredytnaha pahadnieńnia stend-baj. U vyniku ŭzhadnieńnia Biełaruśsiu i MVF paramietraŭ nazvanaha pahadnieńnia Saviet vykanaŭčych dyrektaraŭ fondu 12 studzienia 2009 hoda adobryŭ prahramu terminam na 15 miesiacaŭ i vydzialeńnie Biełarusi finansavych resursaŭ u abjomie kala $2,46 młrd. Pa vynikach pieršaha ahladu byli skarekciravany i adobrany abodvuma bakami novyja paramietry prahramy i ŭ adpaviednaści z zapytam biełaruskaha boku pavialičany ahulny abjom finansavańnia da $3,46 młrd. Realizacyja prahramy zaviaršyłasia ŭ krasaviku 2010 hoda, što dało mahčymaść zabiaśpiečyć dadatnuju dynamiku pa šerahu pazicyj u ekanomicy i hrašova-kredytnaj śfiery Biełarusi.
Kamientary