Łukašenka nie vierniecca ŭ Biełaruś: jon palacieŭ ź Sinhapura ŭ Emiraty 38

Alaksandr Łukašenka nakiravaŭsia ź vizitam u Abjadnanyja Arabskija Emiraty, u jaho zapłanavanyja pieramovy z kiraŭnictvam AAE i sustrečy z pradstaŭnikami biznes-kołaŭ,

paviedamlaje BiełTA.

Nahadajem, što Łukašenki niama ŭ Biełarusi z tydzień, spačatku jon byŭ u Rasii (u Sankt-Pieciarburhu, dzie 15 sakavika braŭ udzieł u čarhovym pasiadžeńni Vyšejšaha dziaržsavieta (VDS) Sajuznaj dziaržavy, 17–20 sakavika haściŭ u Indanezii, a zatym naviedvaŭ Sinhapur.

***

Abjadnanyja Arabskija Emiraty — adna z najbahaciejšych krain śvietu, VUP na dušu nasielnictva ŭ pieraliku na kupčuju zdolnaść składaje 50,5 tys. dalaraŭ (u Biełarusi — 15 tys.).

AAE — fiederatyŭnaja dziaržava, jakaja składajecca ź siami emirataŭ, kožny ź jakich pradstaŭlaje saboj karlikavuju dziaržavu z absalutnaj manarchijaj: Abu-Dabi, Adžman, Dubaj, Ros-el-Chajma, Um-el-Kajvajn, Fudžejra i Šardža.

Dziaržava ŭznačalvajecca prezidentam Abjadnanych Arabskich Emirataŭ, jakim źjaŭlajecca emir najbujniejšaha emirata Abu-Dabi. Stalicaj Abjadnanych Arabskich Emirataŭ taksama jość stalica emirata Abu-Dabi horad Abu-Dabi.

Nasielnictva AAE — 4,8 młn čałaviek, pieravažnaja bolšaść ź jakich (da 70%) — rabočyja z Paŭdniovaj i Paŭdniova-Uschodniaj Azii. Karennaje nasielnictva ŭ asnoŭnym pradstaŭlena musulmanami-sunitami.

Majucca najbujniejšyja zapasy nafty i hazu.

Kali pradać usie zapasy nafty i hazu, to na kožnaha žychara AAE vyjdzie 1,6 młn dalaraŭ (bolšyja pakazčyki ŭ śviecie ŭ pieraliku na dušu nasielnictva tolki ŭ Katary — 6 młn i Kuviejcie — 4,4 młn).

Cikava, što Łukašenka tradycyjna naviedvaje AAE u sakaviku, u hetym miesiacy jon byŭ u Emiratach u 2000 i 2007 hadach.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH