Zatrymanyja na Dni Voli ŭkraincy asudžanyja i vyzvalenyja
U sudzie Savieckaha rajona Minska razhladajucca administracyjnyja spravy ŭdzielnikaŭ śviatkavańnia Dnia Voli, zatrymanych paśla akcyi.
Usich advieźli ŭ Saviecki RUUS, dzie byli składzienyja pratakoły pravaparušeńnia pa art. 23.4 KoAP RB (niepadparadkavańnie zakonnym patrabavańniaŭ supracoŭnikaŭ milicyi). Sankcyja hetaha artykuła praduhledžvaje pakarańnie da 15 sutak administracyjnaha aryštu.
Troje z zatrymanych — hramadzianie Ukrainy, jakija pradstaŭlajuć «Nacyjanalny aljans». Heta Jula Hryščuk, Jula Ślivinskaja i niepaŭnahadovy Nazar Zielinoŭski.
Viečaram 25 sakavika Nazar Zielinoŭski atrymaŭ papiaredžańnie (sudździa — Dźmitryj Paŭličenka). Jaho adviazuć u adździaleńnie milicyi na vulicy Jakuba Kołasa, kab uviečary pieradać baćkam.
Zatrymanyja 24 sakavika ŭ Minsku aktyvistki ŭkrainskaj moładzievaj arhanizacyi «Nacyjanalny aljans» Julija Hryščuk i Julija Ślivinskaja asudžanyja na adny sutki aryštu i vyzvalenyja z-pad varty ŭ sudzie Savieckaha rajona ŭ suviazi z adbyćciom pakarańnia. Pra heta paviedamiŭ BiełaPAN sa spasyłkaj na pres-słužbu ambasady Ukrainy ŭ Biełarusi.
Dakumienty dziaŭčat znachodziacca ŭ mihracyjnaj słužbie, a pakolki pracoŭny dzień užo skončyŭsia, im treba budzie pravieści ŭ Minsku jašče adnu noč. Pasolstva akaža sadziejničańnie ŭ ich raźmiaščeńni. 26 sakavika Hryščuk i Ślivinskuju departujuć z krainy.
Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi3
Kamientary