Pieršy Minski fiestyval movaŭ projdzie 31 sakavika na fiłałahičnym fakultecie BDU.
Jak paviedamiŭ kiraŭnik fiestyvalu Anton Somin, u prahramie mierapryjemstva ŭžo zapłanavanyja prezientacyi 35 movaŭ, ale ich kolkaść moža pavialičycca.
Kožnaja prezientacyja ŭjaŭlaje saboj40-chvilinnuju mini-lekcyju , padčas jakoj ekśpierty raskažuć pra fanietyčnyja, hramatyčnyja i inšyja asablivaści toj ci inšaj movy.
Tak, na fiestyvali buduć pradstaŭlenyja jeŭrapiejskija movy: jak papularnyja anhlijskaja, niamieckaja, francuzskaja, hetak i mienš raspaŭsiudžanyja narviežskaja, finskaja, irłandskaja; błok słavianskich moŭ: ukrainskaja, polskaja, češskaja, bałharskaja; asnoŭnyja ŭschodnija movy: kitajskaja, karejskaja, japonskaja, arabskaja; miortvyja movy — staražytnahrečaskaja, łacinskaja; i navat štučnaja mova eśpieranta.
Aprača taho, na fiestyvali budzie pradstaŭlena vielmi redkaja mova jaure, na jakoj razmaŭlajuć usiaho 25 tys. čałaviek uKot-d JIvuary. Ruskaja i biełaruskaja movy na fiestyvali prezientavanyja nie buduć.
Padčas fiestyvalu adbudziecca taksama piać
Aprača taho, padčas fiestyvalu projdzie mierapryjemstva «inšaha farmatu» — hulnia «Kapialuš» na anhlijskaj movie.
Usie lekcyi na fiestyvali buduć raźbityja na šeść paralelaŭ, i, adpaviedna, u adnoj paraleli słuchač moža vybrać i naviedać tolki adnu lekcyju. Bolš padrabiazna sa śpisam tem možna aznajomicca na sajcie fiestyvalu — minsklingfest.by.
«U nas ničoha takoha raniej nie było. I mnie zdajecca, ludziam heta budzie cikava.Zvyčajna viedy pra movy abmiažoŭvajucca vuzkim kołam anhlijskaj, francuzskaj, niamieckaj, a zaraz źjaviłasia mahčymaść daviedacca, što ŭ śviecie jość stolki zusim nie padobnych adna da adnoj movaŭ», — kaža Anton Somin.
Pavodle jaho słoŭ, fiestyval razhladajecca ŭ tym liku jak mierapryjemstva prafaryjentacyi dla školnikaŭ. «Mnohija z tych movaŭ, jakija my prezientujem, vyvučajucca na fiłałahičnym fakultecie i fakultecie mižnarodnych adnosinaŭ BDU, u MDŁU, tamu školniki na fiestyvali zmohuć zrazumieć, jakuju movu jany chacieli b vyvučać», — patłumačyŭ Somin.
Uvachod na pieršy Minski fiestyval movaŭ budzie volnym, papiaredniaja rehistracyja nie patrebnaja. Na fiestyval možna pryjści ŭ luby čas, ale varta ŭličvać, što na adkryćci (11.00) kožny prezientatar praviadzie karotki anons svajoj lekcyi.
Kamientary