Biełaruś raźličvaje na atrymańnie piataha tranšu ŭ pamiery $440 młn. kredytu AKF JeŭrAzES u krasaviku. Ab hetym paviedamiŭ u sieradu žurnalistam ministr finansaŭ Biełarusi Andrej Charkaviec.
Pavodle źviestak ministra finansaŭ, 28 sakavika adbudziecca pasiadžeńnie Ekśpiertnaj rady Antykryzisnaha fondu JeŭrAzES, na jakoj budzie pryniata rašeńnie adnosna rekamiendacyj Rady fondu.
Data pasiadžeńnia Rady AKF, jakaja budzie prymać rašeńnie pa pytańni vydzialeńnia Biełarusi piataha tranšu kredytu, pakul nie viadoma.
Takim čynam, pracedura idzie, niahledziačy na toje, što jana, na žal, vychodzić za ramki praduhledžanych raniej terminaŭ, adznačyŭ Andrej Charkaviec.
Vydzialeńnie finansavaha stabilizacyjnaha kredytu Biełarusi ŭ abjomie $3 młrd. było ŭchvalena Radaj AKF 4 červienia 2011 hoda. Z ulikam čaćviortaha tranšu ŭ cełym krainie pieraličana $2,12 młrd. sa srodkaŭ nazvanaha kredytu na mety padtrymańnia płaciežnaha bałansu i papaŭnieńnia mižnarodnych reziervaŭ. U 2013 hodzie kraina raźličvaje atrymać piaty i šosty tranšy kredytu pa $440 młn. kožny.
Kamientary