U suviazi z nabližeńniem pažaraniebiaśpiečnaha pieryjadu Ministerstva pryrodnych resursaŭ i achovy navakolnaha asiarodździa nahadvaje, što ŭ Biełarusi zabaroniena sielskahaspadaračaje vypalvańnie suchoj raślinnaści.
«Kožny akt padpału — heta złačynstva suprać krochkaha śvietu pryrody», — zaznačaje pryrodaachoŭnaje viedamstva. Tak, travianyja pažary pryvodziać da prykmietnaha źnižeńnia ŭradlivaści hleby. Pažary, źviazanyja z haspadarčaj dziejnaściu čałavieka, taksama ź`iaŭlajucca adnoj z krynic vykidaŭ vuhlekisłaha hazu ŭ atmaśfieru.
U vyniku vypalvańnia suchoj travy źbiadniajecca vidavy skład łuhavoj raślinnaści i žyviolnaha śvietu. Vyzvalenuju terytoryju zajmaje pustazielle. Hinuć mnohija nasiakomyja, niekatoryja vidy ptušak, źviary i paŭzuny, harać i hinuć drevy. Da taho ž razam z suchoj travoj haryć śmiećcie, jakoje vydzialaje ŭ pavietra škodnyja rečyvy.
Minpryrody nahadvaje pra adkaznaść za vypalvańnie suchoj raślinnaści. U adpaviednaści z artykułam 15.57 Kodeksa Biełarusi ab administracyjnych pravaparušeńniach «za niezakonnaje vypalvańnie suchoj raślinnaści, traŭ na pni, a taksama iržyščy i pažniŭnych reštkaŭ na palach abo nieprymańnie mier pa likvidacyi vypalvańniaŭ» praduhledžany štraf ad 10 da 40 bazavych vieličyń (ad 1 da 4 młn. rubloŭ). U adpaviednaści z artykułam 15.58 Kodeksa Biełarusi ab administracyjnych pravaparušeńniach za raspalvańnie kastroŭ u zabaronienych miescach praduhledžana papiaredžańnie abo nakładańnie štrafu da 12 bazavych vieličyń (da 1,2 młn. rubloŭ).
