Situacyja z pavodkami pad kantrolem, sił i srodkaŭ dla pryniaćcia nieabchodnych mier u vypadku ŭskładnieńnia stanovišča dastatkova.Pra heta paviedamiŭ ministr pa nadzvyčajnych situacyjach Uładzimir Vaščanka, adkazvajučy 2 krasavika ŭ Minsku na pytańni deputataŭ Pałaty pradstaŭnikoŭ.
Ministr skazaŭ, što ŭ Biełarusi «prahnazujucca pavodki vyšejšyja za šmathadovyja nazirańni».
«Najbolš schilnyja da pavodki buduć rajony Bresckaj i Homielskaj abłaściej, ale jość pytańni i pa inšych abłaściach.Najbolš schilny da padtapleńnia Mazyrski rajon. Padtopleny čatyry žyłyja damy, 227 padvorkaŭ, 106 dačnych damoŭ. Ale prablem, jakija ŭpłyvajuć na žyćciadziejnaść nasielnictva, niama», — paviedamiŭ jon.
Pavodle słoŭ Vaščanki, «urad nadaje pytańniu pavyšanuju ŭvahu». «Asablivaja ŭvaha źviernuta na toje, kab uziać na ŭlik usie mahčymyja damy, jakija mohuć trapić u zonu padtapleńnia.
Vyznačany miescy ŭ vypadku nieabchodnaści evakuacyi nasielnictva i svojskich žyvioł, majomaści. Asablivaja tryvoha była vykazana nakont utrymańnia štučnych vadajomaŭ, spraŭnaha ŭtrymańnia hidrazbudavańniaŭ», — skazaŭ jon.
Jak adznačyŭ kiraŭnik MNS, «uličany reziervy materyjalnych srodkaŭ, druz, piasok, technika». «Pry nieabchodnaści buduć pieraviedzieny na dvuchźmienny režym pracy padraździaleńni MNS. Na siońnia praviedziena dadatkovaje asnaščeńnie. U cełym našy padraździaleńni zabiaśpiečany płyŭsrodkami, viadziecca pastajanny manitorynh situacyi», — skazaŭ jon.
Pavodle słoŭ Vaščanki, supraćpavodkavaja praca viadziecca sumiesna ź inšymi orhanami, u tym liku susiednich krain, u pryvatnaści Ukrainy.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary