Dla kampanii hod atrymaŭsia składanym, jon źmiaściŭ karupcyjnyja rasśledavańni, abvinavačvańni ŭ supracy sa śpiecsłužbami krain, dzie «TelijaSanera» niejkim čynam — naŭprost ci ŭskosna — vałodaje miascovymi mabilnymi apieratarami, a heta — Biełaruś, Uźbiekistan dy inš.
Spakojnuju chadu kanhresa parušyła akcyja pratestu. Demanstranty vystupili suprać suviaziaŭ «TeliiSanery» z aŭtarytarnymi dziaržavami, zaklikali kiraŭnictva chołdynhu da padtrymki i pravoŭ čałavieka ŭ Biełarusi, a taksama niedapuščalnaści, kab apieratar dazvalaŭ śpiecsłužbam prasłuchoŭvać hramadzian Biełarusi ŭ metach cisku i zapałochvańnia.
Skandał z «TelijaSanera» pačaŭsia adrazu paśla biełaruskich prezidenckichNa siońniašni dzień, tureckaja kampanija Turkcell vałodaje prykładna 80% apieratara Life:) u Biełarusi, u toj samy čas, šviedski chołdynh «TelijaSanera» vałodaje vialikaj častkaj akcyjaŭ kampanii Turkcell i tamu Šviecyja maje napsredny ŭpłyŭ na pracu mabilnaha apieratara.vybaraŭ-2010 , kali adbylisia vypadki, što z dapamohaj mabilnych apierataraŭ śpiecsłužby vysočvali, prasłuchoŭvali i vyklikali na dopyt udzielnikaŭ Płoščy.
Historyja ŭziała novy pavarot, kali šviedskaje telebačańnie vyjaviła vypadki karupcyi i supracy z uładami Uźbiekistanu z boku dačynnych kampanijaŭ «TeliiSanery», jakija znoŭ taki kirujucca chołdynham sa Šviecyi. Heta pryviało da vymušanaha sychodu kiraŭnika «TeliiSanery» sa svaich pasad i pačatku unutranych reformaŭ.
Siońniašniaja akcyja pratestu pryciahnuła ŭvahu ŭsich najbujniejšych ŚMI Šviecyi, jakija prysutničali na kanhresie. Taksama na razmovu z arhanizatarami akcyi źjaviŭsia dziaržsakratar uradu Šviecyi, jaki ŭdzielničaŭ u kanhresie.
Izabel Samerfield, arhanizatarka akcyi i inicyjatarka šviedskaj kampanii «InfaBiełaruś» (InfoBelarus),
inicyjavała tak zvany vuličny teatr, častkaj jakoha stali sotki ŭlotak pra situacyju ŭ Biełarusi, kajdanki, amapaŭskija dubinki ibieła-čyrvona-biełyja ściahi z postarami: «Apazicyjanier — prasłuchany! Adpilnavany! Kinuty za kraty! Dziakuj, «TelijaSanera»?
«Dadzienaj akcyjaj my chočam pakazać niehatyŭnyja baki chołdynhu „TelijaSanera“. Situacyi, kali ŭ krainach jak Biełaruś, inšadumcy prasłuchoŭvajucca i vysočvajucca z dapamohaj mabilnych technałohijaŭ, nieprymalnaja. Siońnia na kanhresie, chołdynh padpisaŭ pracoŭnuju dekłaracyju ab pryncypach svabody słova i infarmacyjnaj cełasnaści, ale ž hetaha niedastatkova, bo tyja pryncypie biessensoŭnyja ŭ krainach jak Biełaruś, dzie dziaržaŭnyja zakony manipulujucca aŭtarytarnym režymam Łukašenki. „TelijaSanera“ pavinna taksama mieć svaje pryncypie dy stavić patrabavańni da ŭładaŭ Biełarusi, a nie ŭvieś čas tančyć pad dudku režymu, jaki ž paźniej prasočvaje i zapałochvaje pradstaŭnikoŭ hramadzianskaj supolnaści z dapamohaj techniki šviedskaha chołdynhu» — adznačyła Izabel Sammerfield u časie akcyi.