Karparacyja Microsoft zaviaršyła pieršy etap manitorynhu biełaruskich kampanij, jakija handlujuć kampjutarnaj technikaj, na pradmiet ustanoŭki imi nielicenzijnych kopij prahramnych praduktaŭ.
U śniežni 2012 hoda ofis Microsoft u Biełarusi zapuściŭ prahramu Mystery Shopper («Tajny pakupnik»), metaj jakoj byli zbor infarmacyi ab uzroŭni kampjutarnaha piractva siarod kampanij, jakija ažyćciaŭlajuć realizacyju kampjutarnaj techniki, a taksama manitorynh uzroŭniu pravavoj daśviedčanaści piersanału
Jak paviedamili ŭ ahienctviePR-Labs , padčas pieršaha etapu byli ažyćcioŭlenyja 160 vizitaŭ «tajnych pakupnikoŭ» u vosiem najbujniejšych roźničnych sietak.
Pa vynikach manitorynhu zroblena vysnova ab tym, što ŭ paraŭnańni z pačatkam 2012 hoda ŭ cełym nazirajecca pazityŭny trend źnižeńnia kolkaści prapanoŭ pirackaha prahramnaha zabieśpiačeńnia (PZ), adnak u pałovie pravieranych handlovych punktaŭ
«Vysoki pakazčyk uzroŭniu kampjutarnaha piractva ŭ Biełarusi — 87% u 2011 hodzie pavodle źviestak BSA i IDC — taksama źjaŭlajecca i vynikam nizkaha ŭzroŭniu pravavoj daśviedčanaści jak pradaŭcoŭ, hetak i pakupnikoŭ kampjutaraŭ ab ryzykach raspaŭsiudžańnia i vykarystańnia nielicenzijnaha PZ», — zaznačaje Jaŭhien Daniłaŭ, dyrektar pa licenzavańni Microsoft u krainach Centralnaj i Uschodniaj Jeŭropy.
Punkty prodažu kampjutaraŭ źjaŭlajucca adnoj z asnoŭnych krynicaŭ źjaŭleńnia pirackaha PZ na kampjutarach.Pradaŭcy ŭ adkrytaj ci prychavanaj formie prapanoŭvajuć pakupnikam «zekanomić» za košt ustanoŭki nielicenzijnaha PZ, u tym liku bieručy za heta z pakupnikoŭ asobnuju płatu. Manitorynh pakazaŭ, što ŭ 28 vypadkach pakupnikam prapanoŭvalisia «demanstracyjnyja viersii» apieracyjnaj sistemy Microsoft Windows, a ŭ 20 vypadkach handlovy piersanał prapanoŭvaŭ ustanavić luboje PZ za asobnuju płatu.
Jak zaznačajuć pradstaŭniki Microsoft, pradaŭcy, karystajučysia nizkim uzroŭniem daśviedčanaści pakupnikoŭ PK, časta prapanoŭvajuć ustanavić nibyta «demaviersiju» praduktu, jakaja nasamreč źjaŭlajecca madyfikavanaj i pirackaj kopijaj praduktu.«Microsoft nie zajmajecca raspaŭsiudžvańniem „demanstracyjnych viersij“ svaich apieracyjnych sistem i pakietaŭ ofisnych dadatkaŭ praz roźničnuju sietku, aprača śpiecyjalna ahavoranych vypadkaŭ. Adsutnaść siertyfikatu sapraŭdnaści praduktu abo adsutnaść supravadžalnaj dakumientacyi i ŭstanovačnaha nośbita z klučom aktyvacyi ŭ kamplekcie z PK źjaŭlajecca surjoznaj padstavaj dla sumnieńnia ŭ jaho sapraŭdnaści i pravamocnaści pradaŭca PK rabić jaho ŭstanoŭku», — zaznačaje Vieranika Siańko, mieniedžar pa stratehijach i prahramach raźvićcia partnioraŭ Microsoft u Biełarusi.
Pa vynikach praviedzienaj pracy i z ulikam sabranych danych Microsoft płanuje adrasavać prablemu kampjutarnaha piractva asabista kiraŭnikam tych kampanij, dzie vizity «tajnych pakupnikoŭ» vyjavili prapanovy z boku pradaŭcoŭ ab nabyćci PK ź pirackim PZ u prychavanaj ci adkrytaj formie. Manitorynh rynku Biełarusi z dapamohaj «tajnych pakupnikoŭ» budzie praciahnuty, pašyrajučy achop i hieahrafiju.
