Alaksandar Milinkievič: «Jany imknucca nidzie nia dać nam miesca».
U subotu, 11 žniŭnia, ruch “Za Svobodu!” ładziŭ pad Zasłaŭjem piknik — sustreču ŭsich prychilnikaŭ ruchu. Prysutničała kala trochsot čałaviek. Mierapryjemstva pačałosia śpiavańniem himnu “Mahutny Boža”, potym byli kruhłyja stały, spartovyja mierapryjemstvy, uviečary — kancert z udziełam bardaŭ i rok-hurtoŭ: Kasi Kamockaj, “Ściany”, “Recha”, Źmitra Vajciuškieviča. Pad zasłonu źjaviŭsia avtobus z amonam.
“Za festam stała sačyła milicyja — kaža namieśnik kiraŭnika ruchu Juraś Hubarevič. — Potym jana nakapiła siły da tryccaci čałaviek, padahnali avtobus z amonam (taksama kala tryccaci čałaviek), jaki ŭvarvaŭsia prosta na tancplacoŭku”. Milicejskija čyny patrabujuć usio spynić, vyklučyć aparaturu, bo mierapryjemstva nikim nie sankcyjanavanaje.
Milicyja praviaraje ŭsie mašyny, jakija vyjaždžajuć z terytoryi. Kala piacidziesiaci ŭdzielnikaŭ piknika trymajuć na tancplacoŭcy. Pakul nikoho nie aryštoŭvali. “Prysutnaść Milinkieviča strymlivaje milicyjantaŭ. Im vidavočna nia chočacca skandału ź jaho ŭdziełam”, — kaža Ju.Hubarevič.
Ludziej trymali na placoŭcy, pakul nie była zhornutaja hukaŭzmacnialnaja aparatura. Paśla hetaha milicyja dazvoliła piešaj kalonie i niekalkim aŭtamabilam z udzielnikami piknika pakinuć miesca. Pryčym mašyna z aparaturaj adrazu ž była zatrymanaja, u kiroŭcy zabrali pravy.
“Nikomu nie dajuć pravodzić nijakich mierapryjemstvaŭ, a tut my praviali, i davoli ŭdała, voś jany i šalejuć. Jany imknucca ŭsio zabaranić, nidzie nia dać nam miesca”, — kaža Alaksandar Milinkievič. Palityk usio ž aceńvaje dzień jak udały: “I sport, i muzyka, i arhanizacyjny schod ruchu my jašče raz praviali. Źbirajemsia znoŭ iści na rehistracyju”.
Apoŭnačy pryjšli aŭtobusy, kab advieźci ŭdzielnikaŭ piknika ŭ Miensk.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary