Dziesiacikłaśniki ŭ škołach z 1 vieraśnia zmohuć vyvučać pradmiety na pavyšanym uzroŭni a Vy vierycie ŭ takuju reformu? 1

Z 2013/2014 navučalnaha hoda ŭ dziasiatych kłasach siarednich škoł dazvolena arhanizoŭvać vyvučeńnie pradmietaŭ na pavyšanym uzroŭni, raskazali ŭ Ministerstvie adukacyi.

Na pavyšanym uzroŭni mohuć vyvučacca dva navučalnyja pradmiety adpaviednaha napramku: fizika-matematyčnaha, chimika-bijałahičnaha, hramadaznaŭčaha, fiłałahičnaha.

Navučańnie moža być arhanizavana pa dźviuch madelach: abjadnańnie u kłas navučencaŭ dla vyvučeńnia na pavyšanym uzroŭni adnaho kirunku i abjadnańnie u kłas navučencaŭ dla vyvučeńnia na pavyšanym uzroŭni pradmietaŭ pa roznych napramkach.

Pieršuju madel metazhodna vykarystoŭvać pry najaŭnaści ŭ škole niekalkich dziasiatych kłasaŭ.

Druhuju — tam, dzie niemahčyma sfarmavać adzin kłas (24 vučni) pa adnym napramku. «Pry składańni raskładu zaniatkaŭ pa druhoj madeli treba praduhledzieć mahčymaść vyvučeńnia ŭsim kłasam navučalnych pradmietaŭ na bazavym uzroŭni i mahčymaść adnačasova razyścisia pa hrupach padčas zaniatkaŭ na pavyšanym uzroŭni», — adznačyli ŭ viedamstvie.

Buduć vyznačanyja siarednija škoły, u jakich adukacyjny praces z vyvučeńniem asobnych pradmietaŭ na pavyšanym uzroŭni (spačatku ŭ 10-ch kłasach, a ŭ 2014/2015 navučalnym hodzie — u 10-ch i 11-ch) budzie arhanizavanyja z ulikam usich składnikaŭ.

Pry hetym dla kožnaj siaredniaj škoły, mahčyma, buduć vyznačanyja napramki dla vyvučeńnia na pavyšanym uzroŭni adpaviednych navučalnych pradmietaŭ.

Razam z tym u niekatorych siarednich škołach usie pradmiety buduć vyvučacca na bazavym uzroŭni, a na fakultatyŭnych zaniatkach budzie ažyćciaŭlacca realizacyja indyvidualnych intaresaŭ, schilnaściej i zdolnaściej vučniaŭ.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH