Padrychtavany prajekt ukaza ab budaŭnictvie BiełBijahorada

Prajekt Ukaza prezidenta «Ab Nacyjanalnym navukova-technałahičnym parku BiełBijahorad» raspracavany z metami vykanańnia p.114 Mierapryjemstvaŭ pa realizacyi Prahramy sacyjalna-ekanamičnaha raźvićcia Respubliki Biełaruś na 2011–2015 hady.

Jak adznačajuć raspracoŭščyki prajekta, vybar pierśpiektyŭnych napramkaŭ dziejnaści BiełBijahorada abumoŭlivajecca značnaj jomistaściu suśvietnaha rynku farmaceŭtyčnaj, bija- i nanatechnałahičnaj pradukcyi, a taksama najaŭnaściu peŭnaha navukova-techničnaha, vytvorčaha i kadravaha patencyjału ŭ Biełarusi.

Tak, pavodle acenak mižnarodnych ekśpiertaŭ, suśvietny rynak farmaceŭtyčnaj pradukcyi ŭ 2012 hodzie skłaŭ kala 1,013 trłn dalaraŭ, pry hetym prahnazujecca dynamika jaho rostu ŭ pamiery 5% štohod, što daść mahčymaść vyjści da 2016 hoda na abjom 1,173 trłn dalaraŭ.

Suśvietny rynak bijatechnałahičnaj pradukcyi ciapier aceńvajecca ŭ 400 młn dalaraŭ u hod. Najbolšaja jaho dola prypadaje na ZŠA (42%), krainy ES (22%), Kitaj (10%), Indyja (2%). Dola Rasijskaj Fiederacyi składaje kala 0,4%. Biełaruś maje mienš za 0,02%.

Na dumku aŭtaraŭ prajekta, u Biełarusi jość peŭny navukova-techničny, vytvorčy i kadravy patencyjał dla raźvićcia siektara farmaceŭtyčnaj, nana- i bijatechnałahičnaj industryi. Tamu my možam mieć značna bolšy kavałak ad hetaha piraha.

Miž tym u dziaržavy siońnia niedastatkova finansavych, arhanizacyjnych i intelektualnych resursaŭ, nieabchodnych dla finansavańnia ŭsiaho kompleksu rabot pa farmavańni novych halin (vysokatechnałahičnych vidaŭ ekanamičnaj dziejnaści), jak heta było mahčyma ŭ pieryjad isnavańnia Savieckaha Sajuza. Razam z tym, niedastatkovaja ajčynnaja baza pierśpiektyŭnych daśledavańniaŭ i raspracovak nie dazvalaje zabiaśpiečyć stvareńnie i vyvad na ŭnutrany i zamiežny rynak značnych abjomaŭ kankurentazdolnych tavaraŭ i pasłuh.

Suśvietny dośvied śviedčyć, što farmavańnie i raźvićcio vysokatechnałahičnaha siektara ŭ ciapierašnich umovach mahčymaje z dapamohaj stvareńnia śpiecyjalizavanaha «instytuta raźvićcia» vysokatechnałahičnaha siektara

Zhodna z prajektam ukaza prezidenta, upaŭnavažanaj arhanizacyjaj, adkaznaj za raźvićcio BiełBijahorada, stanie Nacyjanalnaja akademija navuk Biełarusi.

Niepasrednaje kiravańnie BiełBijahoradam budzie ažyćciaŭlać DU «Administracyja BiełBijahorada».

Kiroŭnaj kampanijaj stanie stvorany ZAT «BiełBijahoradServis», zasnavalnikami jakoha vystupiać NAN Biełarusi, Minharvykankam, HU «Administracyja BiełBijahorada», SZAT «Kampanija pa raźvićci industryjalnaha parku», a taksama inšyja jurydyčnyja asoby.

ZAT «BiełBijahoradServis» budzie zabiaśpiečvać raspracoŭku hienieralnaha płana BiełBijahorada, prajektavańnie, budaŭnictva praduhledžanych hienieralnym płanam BiełBijahorada abjektaŭ, uklučajučy abjekty infrastruktury, pryciahnieńnie rezidentaŭ i inviestaraŭ BiełBijahorada sumiesna z DU «Administracyja BiełBijahorada», kiravańnie abjektami BiełBijahorada, raźvićcio infrastruktury.

Industryjalnaja zona BiełBijahorada raźmieścicca na terytoryi Kitajska-Biełaruskaha industryjalnaha parku, a administracyja i kiraŭnictva buduć znachodzicca ŭ miežach Minska, kala MKAD.

• 0
• 0
• 0
• 0
• 0
• 0
• 0
• 0