Rasijskija kłuby zaniali druhoje miesca ŭ śviecie pa tratach na pakupki futbalistaŭ ź inšych čempijanataŭ u 2012 hodzie. Ahułam rasijskija kłuby vydatkavali 256 młn dalaraŭ. Apiaredzili rasijcaŭ tolki anhlijskija kłuby, vydatkavali $314 młn. Na trecim miescy — Turcyja. Vydatki tureckich kłubaŭ skłali $78 młn. Pra heta havorycca ŭ spravazdačy, padrychtavanaj FIFA.
Bolš za ŭsio hrošaj ad prodažu hulcoŭ zarabili brazilskija kłuby, jakija atrymali 121 młn dalaraŭ za tranśfiery.
Druhoje miesca zaniali kłuby z Partuhalii, jakija zarabili 103 młn (vidavočna, značnuju častku hetaj sumy składaje prybytak ad prodažu ŭ «Zienit» futbalistaŭ Chałka i Aksiela Vitcela -- ŚMI paviedamlali, što za ich picierski kłub zapłaciŭ 80 młn jeŭra).
Bolš za ŭsio na mižnarodnym tranśfiernym rynku ŭ 2012 hodzie kuplali brazilskich hulcoŭ (1463 čałavieki).Na druhim miescy -- futbalisty z Arhienciny (782 hulcy), na trecim - pradstaŭniki Vialikabrytanii (507 čałaviek). Siaredni ŭzrost hulcoŭ, uciahnutych ŭ mižnarodnyja tranśfiery, skłaŭ 24 hady i 10 miesiacaŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary