Za «Čarnobylski šlach»: žurnalisty i aktyvisty atrymali sutki

19:54

Alaksandru Tarnahurskamu dali 10 sutak aryštu, paviedamiła radyjo «Svaboda». Jaho abvinavacili ŭ drobnym chulihanstvie i niepadparadkavańni milicyi.

18:57

Hienadź Barbaryč pakarany aryštam na 3 sutak. Zajaviŭ, što budzie abskardžvać hetaje rašeńnie.

18:40

U sudzie nad Barbaryčam abvieščany 10-chvilinny pierapynak. Žurnalista vyvieli z zały suda.

18:38

Aktyvist Dźmitryj Čarniak aryštavany na 10 sutak.

18:32

Aktyvist Ihar Truchanovič atrymaŭ 10 sutak aryštu.

18:16

Sudziać Barbaryča. Vystupajuć tyja ž śviedki. Jany hetak ža bytajucca ŭ svaich pakazańniach, jak i na sudzie nad Jaraševičam.

17:40

Žurnalist Jaraševič pryznany vinavatym, jon asudžany na 3 sutak. Termin pakarańnia skančavajecca siońnia ŭ 21:45. Jaho vyvieli z zały suda.

17:33

Na pracesie pa spravie Truchanoviča śviedka-milicyjant apisvaje pavodziny zatrymanaha: «jon ździajśniaŭ chaatyčnyja manieŭry».

Na aktyvista skłali dva pratakoła. Adzin za niepadparadkavańnie supracoŭnikam milicyi, druhi za niesankcyjanavany pikiet (nibyta jon na chadu pikietavaŭ).

17:12

Advakat Jaraševiča źviarnuŭ uvahu suda na supiarečnaści ŭ pakazańniach śviedak-milicyjantaŭ. Usie troje — Karpovič, Hrabluk i Reut paznačyli ŭ pratakołach adras zatrymańnia pr. Mašerava, 2. U svaju čarhu, žurnalist Jaraševič śćviardžaje, što byŭ zatrymany na prypynku kala «Akijana».

Akramia taho, milicyjanty ŭ svaich pakazańniach błytalisia ci pakazvaŭ zatrymany žurnalist svajo paśviedčańnie. Taksama jany nie vyznačylisia, chto ź ich traich zatrymlivaŭ Jaraševiča.

Na dadzieny momant u sudzie abvieščany pierapynak.

16:49

Sudździa adznačyŭ u pakazańniach śviedki Drabluka niedakładnaści. Ciapier vystupaje śviedka Alaksiej Karpovič.

16:34

Naziralnik-pravaabaronca Viačasłaŭ Daškievič atrymaŭ 5 sutak. Jaho sudziŭ Dźmitryj Paŭlučenka.

16:30

Ciapier vystupaje śviedka — supracoŭnik milicyi Hrabluk.

16:27

Jaraševič svajoj viny nie pryznaŭ. Zajaviŭ, što pakazaŭ paśviedčańnie milicyjantam i padparadkavaŭsia ich zahadu jechać u pastarunak, paviedamlaje sajt «BAŽ».

16:16

Milicyjanty śćviardžajuć, što ŭ aŭtobusie žurnalisty «pavodzilisia padazrona». Admovilisia pakazvać dakumienty, supraciŭlalisia.

15:53

Žurnalistaŭ Barbaryča i Jaraševiča zatrymali na prypynku aŭtobusa №19 kala kramy «Akijan» (na rahu pr. Niezaležnaści i vuł. Kazłova), paviedamlaje karespandentka «NN» z zały suda.

Suprać žurnalistaŭ śviedčać supracoŭniki milicyi Reut i Karpovič.

***

15:41

Sudziać žurnalista Alaksandra Jaraševiča (sudździa Kirył Pałulech). Advakat Alaksandr Halijeŭ. Adchilena chadajnictva vyklikać žurnalista Hienadzia Barbaryča, taksama zatrymanaha 26 krasavika ŭ jakaści śviedki.

Sud nad žurnalistami Alaksandram Jaraševičam i Hienadziem Barbaryčam pakul nie pačaŭsia. Jon projdzie ŭ sudzie Savieckaha rajona Minska (Łahojski trakt, 3).

Nahadajem, što ich zatrymali 26 krasavika paśla «Čarnobylskaha šlachu». I abvinavacili ŭ niepadparadkavańni supracoŭnikam milicyi. Ad piatnicy jany znachodzilisia ŭ Centry izalacyi pravaparušalnikaŭ.

Pad 13-ju hadzinu žurnalistaŭ pryvieźli ŭ sud.

Praŭda, kali jon pačniecca, nieviadoma, u sudzie pakul abied (da 14:00). Na čas abieda usim prysutnym skazali pakinuć budynak.

Padtrymać zatrymanych kalehaŭ pryjšli 30 žurnalistaŭ.

14:23

Sud, zdajecca, pačynajecca. Praŭda, u budynak nie puskać z fota i videaparaturaj, a taksama noŭtbukami. Spasyłajucca na niejkuju pastanovu.

***

Razam ź Jaraševičam i Barbaryčam buduć sudzić aktyvistaŭ kampanii «Jeŭrapiejskaja Biełaruś» Alaksandra Tarnahurskaha, Dźmitryja Čarniaka, Viačasłava Daškieviča. Ich taksama zatrymali paśla «Čarnobylskaha šlachu». Projdzie sud nad anarchistam Iharam Truchanovičam, žorstka zatrymanym 26 krasavika.

Žurnalistaŭ Hienadzia Barbaryča i Alaksandra Jaraševiča budzie sudzić Kirył Pałulech, Alaksandra Tarnahurskaha — Aksana Relava, Dźmitryja Čarniaka i Viačasłava Daškieviča — Dźmitryj Paŭlučenka. Ihara Truchanoviča — Aksana Relava.

• 0
• 0
• 0
• 0
• 0