Načny vyhlad "Prezident-hatela"
Hatel dniom.
Piacizorkavy siertyfikat užo atrymany.
Restaran na pieršym paviersie.
Samy niedarahi numar - $330
Vanny pakoj "Premiuma".
Interjery prezidenckaha numaru
Interjery prezidenckaha numaru.
.jpg.webp)
Prezidenckaje lusterka.
Prezidenckaja dušavaja kabinka.
Alaksandr Łukašenka ŭziaŭ udzieł u cyrymonii adkryćcia «Prezident-hatela».«Dobraja, prystojnaja haścinica», — padsumavaŭ jon. Rekanstrukcyja budynku praciahvałasia dva z pałovaj hady. Ciapier haścinica budzie ličycca adnoj z samych prestyžnych u stalicy. «Naša Niva» sabrała niekalki cikavych faktaŭ pra novabud.
Byłaja «Kastryčnickaja»
«Prezident-hatel» paŭstaŭ na miescy savieckaj haścinicy «Kastryčnickaja». Jon znachodzicca na rahu vulic Enhielsa i Kirava, nasuprać rezidencyi kiraŭnika dziaržavy.
«Kastryčnickaja» była pabudavanaja ŭ 1980, adnak jaje vyrašyli źnieści całkam i ŭzvodzić budynak z nula.
Hatel budzie piacizorkavym. Heta treciaja haścinica takoha kštałtu ŭ krainie. Papiarednikami byli kamunalnaja «Jeŭropa» i tureckaja «Kraŭn Płaza».
Naležyć Kiraŭnictvu spravami
Zamoŭcam rekanstrukcyi stała RUP «Hatel «Minsk», jakoje, u svaju čarhu, uvachodzić u strukturu Kiraŭnictva spravaŭ prezidenta. Toj ža ŭłaśnik u staličnych hatelaŭ «Płanieta» i «Jubilarnaja».
A voś budavała «Prezident-hatel» tureckaja kampanija «Emsaš Inšaat Turyzm Tydžaret vie Sanaji».
Turki i dali hrošy na rekanstrukcyju haścinicy, praŭda, tolki ŭ kredyt. 85% koštu zapłaciŭ tamtejšy «Ciurk Eksimbank», a reštu dakłaŭ «Biełarusbank».Kredyt daviadziecca viarnuć da siaredziny 2018.
Ceny
U novym hateli budzie 154 numary. Ceny na pražyvańnie nie nadta adroźnivajucca ad astatnich staličnych elitnych hatelaŭ. Naprykład,
u «Prezidencie» za adnapakajovy pakoj kłasa “premium” daviadziecca zapłacić $330.U «Jeŭropie» – na $10 tańniej.
Dvuchpakajovy luks u novym hateli abydziecca ŭ $510, na $60 tańniej, čym u «Jeŭropie».
Prezidencki numar
Samy darahi, viadoma ž, «prezidencki luks». Za noč u im paprosiać ažno $2430!Heta jak minimum na tracinu daražej, čym u piacizorkavych kankurentaŭ.
«Hety ŭnikalny dla numar raźmiaščajecca na 11-m paviersie i maje vydatny panaramny vid na horad, -rassypajecca ŭ kamplimientach sajt «Prezident- hatela». – Ahulnaja płošča numara składaje amal 500 m². Usia mebla vykanana pa indyvidualnym prajekcie. U numary jość šykoŭnaja haścinaja z kabinietam płoščaj 100 m², try spalni z prylehłymi da ich harderobnymi pakojami. U kožnaj z spalniaŭ jość vanny pakoj z šklanoj mazaikaj na ścienach, padahrevam padłohi, hidramasažam, dušavoj kabinaj dla rełaksacyi z chromaterapijaj».
Taksama klijentam prapanujecca saŭna z basiejnam i džakuzi, a taksama piersanalny lift.
Try restarany
U hateli adnačasova zapracuje try restarany – «Nacyjanal» i «Stalica» na pieršym paviersie, a taksama panaramny «Alimp», – piać baraŭ i čatyry bankietnyja zali.
Dla praviadzieńnia kanfierencyj praduhledžany kanhres-choł na 600 miescaŭ, a taksama niekalki drabniejšych załaŭ na 135 miescaŭ.
U dadatkovych karpusach adkryjucca SPA-i fitnies-centry z płavalnymi basiejnami i saunami, a taksama načny kłub.
