U subotu, 4 maja, paśla adbyćcia administracyjnaha aryštu vyjdzie na volu aktyvist «Zmieny» - moładzievaha kryła hramadzianskaj kampanii «Havary praŭdu!» Pavieł Vinahradaŭ. Heta ŭžo druhaja jaho «adsidka» za 2013 i 12-ja za ŭvieś čas (nie ličačy terminu pa kryminalnaj prysudu za ŭdzieł u Płoščy-2010).
Niekalki paplečnikaŭ Paŭła taksama nie raz byvali ŭ Centry izalacyi pravaparušalnikaŭ na staličnaj vulicy Akreścina. Ale, niahledziačy na žorstki cisk na «Zmienu» z boku siłavych orhanaŭ, siabry moładzievaha kryła «Havary praŭdu!» razumiejuć, što sudovyja pracaŭniki (dy i šarahovyja pravaachoŭniki) dziejničajuć z-pad pałki.
U suviazi z hetym 2 maja ŭ Minsku aktyvisty «Zmieny» vyviesili raściažku «Svabodu biełaruskaj sudovaj sistemie!». Akcyja była praviedzienaja nasuprać budynka suda Centralnaha rajona, dzie apošni raz sudzili Vinahradava.
U znak salidarnaści z palitviaźniami na Kastryčnickaj płoščy była vyviešanaja raściažka «Svabodu palitviaźniam!».