U Kirhizii raźbiŭsia amierykanski samalot, členaŭ ekipaža na miescy krušeńnia nie znajšli
Palivazapraŭščyk amierykanskich VPS źnik z radaraŭ, a zatym upaŭ niepadalok ad miažy Kirzii z Kazachstanam nieŭzabavie paśla vyletu z aeraporta Manas, paviedamiła kirhizskaje MNS. Heta adbyłosia prykładna ŭ 60 kiłamietrach ad Biškieka ŭ vysakahornaj ciaśninie ŭ Panfiłaŭskim rajonie Čujskaj vobłaści.
Pa papiarednich dadzienych, lekary nie vyjavili členaŭ ekipaža na miescy krušeńnia, paviedamiła pres-słužba Ministerstva achovy zdaroŭja Kirhizii.
Pošuki členaŭ ekipaža pavietranaha sudna, jakija, mahčyma, paśpieli katapultavacca, praciahvajucca.
Amierykanski Centr tranzitnych pieravozak u aeraporcie Manas źjaŭlajecca asnoŭnym łahistyčnym vuzłom dla pieravozki hruzaŭ i pierakidańnia sił kaalicyi NATA ŭ Afhanistan. Damova ab raźmiaščeńni amierykanskaj avijabazy ŭ Kirhizii dziejničaje da vosieni nastupnaha hoda.
Kamientary