Jamu inkryminujuć kradziež šlacham złoŭžyvańnia słužbovymi paŭnamoctvami ŭ bujnym pamiery.
Pres-sakratar pasolstva Rasii Uładzimir Marčukoŭ paviedamiŭ «NN», što były dyrektar sočynskaha sanatoryja «Biełaruś» Hieorhij Sarakašyš «zastajecca ŭ izalatary. Novaj infarmacyi niama».
Hieorhij Sarakašyš — vydatnik achovy zdaroŭja Rasijskaj Fiederacyi. Jamu 59 hadoŭ. U sanatoryi «Biełaruś» u Sočy pracavaŭ hałoŭnym doktaram, zatym namieśnikam dyrektara. A paśla zaniaŭ i kirujučaje kresła.
«21 śniežnia jany vyjechali ŭ Minsk na naradu ŭ Kiraŭnictva spravaŭ prezidenta. Paśla my daviedalisia pra aryšt, — raskazvaŭ «NN» brat aryštavanaha Chrystafor Sarakašyš. — Budaŭničyja firmy niedavykanali raboty, i niechta kamuści vinien hrošy. Heta čysta haspadarčaja sprava».
Pa słovach Chrystafora Sarakašyša, brat vyjechaŭ u Minsk razam sa svaim namieśnikam Alaksandram Kizimam, biełarusam, i dyrektaram budaŭničaha abjekta ŭ Sočy. Chrystafor nazvaŭ firmy, praź jakija brata i aryštavali. Heta «Novy horad BKD» i «FBH Karparacyja». Jany niedabudavali abjekty na terytoryi biełaruskaha sanatoryja, ale hrošy ŭziali: adna firma 100 miljonaŭ rasijskich rubloŭ (kala $3,3 młn), druhaja — 50 miljonaŭ rubloŭ.
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva1
Kamientary