Rada BNR zaklikaje ŭłady Šviecyi rasśledavać incydent z fanatami na chakiei
Rada BNR zaklikała ŭłady Šviecyi pravieści rasśledavańnie incydentu ź bieł-čyrvona-biełym ściaham padčas čempijanatu śvietu pa chakiei i pryniać miery ŭ adpaviednaści z zakanadaŭstvam.
«5 maja na čempijanacie śvietu pa chakiei ŭ Šviecyi asobami ŭ uniformie byli ŭžytyja hvałtoŭnyja dziejańni suprać aktyvistaŭ arhanizacyi «Biełaruskaja nacyjanalnaja pamiać», jakija razharnuli bieł-čyrvona-bieły ściah. Pry hetym spasyłalisia na nibyta palityčny charaktar ściaha. Rada BNR śviedčyć, što bieł-čyrvona-bieły ściah nie ź`iaŭlajecca simvałam jakoj-niebudź palityčnaj partyi», — havorycca ŭ zajavie rady.
U dakumiencie tłumačycca, što bieł-čyrvona-bieły ściah ź`iaŭlaŭsia nacyjanalnym ściaham Biełarusi da refierendumu 1995 hoda. «Mienavita hety «referendum» byŭ pačatkam tatalnaha nastupu na zakonnaść, demakratyju i pravy čałavieka. Jon byŭ pryznačany i praviedzieny z hrubymi parušeńniami Kanstytucyi i zakonaŭ Biełarusi», — adznačajuć aŭtary zajavy.
Bieł-čyrvona-bieły ściah ź`iaŭlajecca histaryčnym biełaruskim simvałam, padkreślivaje Rada BNR. Dziejańni ŭ dačynieńni da biełarusaŭ na čempijanacie śvietu pa chakiei jana aceńvaje jak «abrazu nacyjanalnaha honaru i hodnaści».
U zajavie ŭtrymlivajecca zaklik da Mižnarodnaj fiederacyi chakieja «harantavać pavahu da dziaržaŭnych simvałaŭ i vykanańnie pravoŭ čałavieka padčas spabornictvaŭ».
Kamientary