U Hiermanii pačaŭsia sud nad siabroŭkaj nieanacysckaj hrupoŭki, 38-hadovaj Bieataj Čepie, jakuju abvinavačvajuć u zabojstvach na rasavaj hlebie, paviedamlaje Bi-Bi-Si.
Bieatu padazrajuć u prynaležnaści da nieanacysckaj terarystyčnaj arhanizacyi «Nacyjanał-sacyjalistyčnaje padpolle» (NSU), na rachunku jakoj zabojstvy 10 čałaviek, pieravažna vychadcaŭ z Turcyi.
U vypadku pryznańnia jaje viny, Bieata moža atrymać pažyćciovy termin, adnak jaje advakaty nastojvajuć, što jana nie datyčnaja da zabojstvaŭ.
Raniej palicyja padazravała ŭ zabojstvach tureckuju mafiju.
U paniadziełak Bieata Čepie paŭstała pierad sudom Miunchiena. Jaje abvinavačvajuć u datyčnaści da zabojstva vaśmiarych etničnych turkaŭ, imihranta z Hrecyi i supracoŭnicy niamieckaj palicyi ŭ pieryjad z 2000 pa 2007 hady. Čepie padazrajuć taksama ŭ tym, što jana była adnym z zasnavalnikaŭ jačejki NSU. Akramia taho, na jaje ž uskładajuć adkaznaść za ŭdzieł u 15 uzbrojenych rabavańniach, padpale i zamachu na zabojstva z dapamohaj dvuch vybuchovych prystasavańniaŭ.
Na dumku prakuroraŭ, metaj pakazalnych zabojstvaŭ było raspaŭsiudzić paniku siarod imihrantaŭ i prymusić ich pakinuć Niamieččynu.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary