«Mančester Junajted» paćvierdziŭ, što hałoŭny trenier kamandy ser Aleks Fierhiusan letam zavieršyć karjeru.
Takim čynam, apošni aficyjny matč pad kiraŭnictvam šatłandca «MIU» praviadzie 19 maja, kali ŭ matčy apošniaha tura prem'
Paśla hetaha Fierhiusan zojmie ŭ «Mančester Junajted» adnu z kirujučych pasadaŭ.
«Ja vielmi šmat dumaŭ ab sychodzie, hetaje rašeńnie dałosia mnie nialohka. Ale ciapier zručny momant. Dla mianie było važna pakinuć kamandu ŭ jak maha bolš mocnym stanie. Dumaju, mnie heta ŭdałosia. Ja budu rads stać adnačasova dyrektaram i pasłom «Mančester Junajted», - skazaŭ ser Aleks.
Aleks Fierhiusan naradziŭsia 31 śniežnia 1941 h. u Hłazha, hulaŭ za šerah šatłandskich kłubaŭ, trenierskuju karjeru pačaŭ u 1974 h. «Ist Sterlinhšyry», trojčy pryvodziŭ «Abierdzin» da załatych miedaloŭ čempijanatu Šatłandyi, pieramohi ŭ Kubku ŭładalnikaŭ kubkaŭ (1983), u 1986 h. na čempijanacie śvietu ŭ Mieksicy byŭ hałoŭnym trenieram zbornaj Šatłandyi.
U tym ža, 1986-m, hodzie ŭznačaliŭ «Mančester Junajted». Pryvioŭ kłub da 13 pieramohaŭ u čempijanacie Anhlii(1993, 1994, 1996, 1997, 1999–2001, 2003, 2007, 2008, 2009, 2011, 2013), piać u Kubku Anhlii, 10 Supierkubkaŭ, 4 Kubki futbolnaj Lihi, dźvie pieramohi ŭ Lizie čempijonaŭ (1999, 2008), Kubku ŭładalnikaŭ kubkaŭ dy inš.
Usiaho na rachunku Fierhiusana 48 trafiejaŭ na čale MIU (tut 38) i «Abierdzina».
