Hiešeft adbyŭsia ŭ atmasfery poŭnaj sakretnaści. Prodaž dziaržavaj hetkaha likvidnaha aktyvu moža być źviazany ź nieabchodnaściu apłočvać hazavyja zapazyčanaści.
Hiešeft adbyŭsia ŭ atmasfery poŭnaj sakretnaści. Prodaž dziaržavaj hetkaha likvidnaha aktyvu moža być źviazany ź nieabchodnaściu apłočvać hazavyja zapazyčanaści.
 |
Pieršym ab prodažy dziaržaŭnaj doli pieršaha aperatara GSM paviedamiŭ sajt Bybanner.com z spasyłkaj na «krynicy, jakija zasłuhoŭvajuć davieru». U druhoj pałovie dnia viestku paćvierdziła blizkaje da łukašenkaŭcaŭ ahienctva «Interfaks».
U pryvatnaści, stała viadoma, što kiprskaja kampanija «SB‑Telecom» (suzasnavalnik SP AAT «MCS», tavarny znak VELCOM) vykupiła pakiet akcyj, jakija naležać dziaržavie.
24 traŭnia 2007 hodu Alaksandar Łukašenka sustrakaŭsia z staršyniom kampanii «SB‑Telecom» Idam Samavi. Na sustrečy abmiarkoŭvalisia pytańni ŭdziełu kiprskaj kampanii ŭ budaŭnictvie pieršaklasavaj haścinicy ŭ Miensku. Idam Samavi vykazaŭ zacikaŭlenaść u investavańni ŭ rekanstrukcyju j pieraŭzbrajeńnie biełaruskich cementavych zavodaŭ.
Raniej, 12 krasavika 2007 hodu na presavaj kanferencyi dla kiraŭnikoŭ biełaruskich ŚMI Łukašenka zajaviŭ pra toje, što dumaje nad prapanovaj pradać dolu dziaržavy ŭ VELCOM. Tady sama kiraŭnik dziaržavy paviedamiŭ, što za pakiet akcyj VELCOM było prapanavana 300‑400 miljonaŭ dalaraŭ. A paśla dadaŭ:
«Nu, kali pahandlujemsia, to, moža, za 500 miljonaŭ dalaraŭ».
Pavodle acenak ekspertaŭ, košt kantrolnaha pakietu akcyj VELCOM u 500 miljonaŭ dalaraŭ davoli prymalny.
Pavodle słoŭ Łukašenki, dziaržava jak trymalnik 51 % akcyj atrymlivaje 17 miljonaŭ dalaraŭ dyvidendaŭ u hod:
«Tamu ja taksama dumaju — čamu b nie pradać hety pakiet akcyj? Tak, kamuści budzie vyhadna, ale nam — supervyhadna! Tut jość nad čym padumać…»
U samoj kampanii ceły dzień uchilalisia ad kamentaroŭ. U dziaržstrukturach, što mieli svaju dolu ŭ statutnym fondzie «MŁS», adsyłali pa kamentary da samoj kampanii.
Paćvierdzić infarmacyju pra prodaž dziarždoli akcyjaŭ u SP AAT «MŁS» akazałasia niaprosta. Pa numary telefonu, paznačanym na sajcie Ministerstva suviazi i infarmatyzacyi ŭ jakaści pryjomnaj kampanii VELCOM, słuchaŭku źniaŭ strohi mužčyna: «Post numar adzin, słuchaju vas!». Pa atrymanym praz daviedku telefonie dziažurnaja aperatarka kampanii spačatku prapanavała numar telefonu hiendyrektara, ale pierapytaŭšy pra nahodu dla zvarotu da načalstva, nazvała elektronny adras dla kantaktaŭ z presaj. «Takija pytańni kamentujucca tolki praz elektronnuju poštu», — kateharyčna admoviłasia davać numar telefonu supracoŭnica. Paźniej pryjšoŭ adkaz, u jakim pradstaŭnik «MŁS» admoviŭsia ad aficyjnych kamentaroŭ.
Na sajcie kampanii, jaki z ranicy nie hruziŭsia, apošniaja navina datavanaja 20 žniŭnia i pryśviečanaja piatym uhodkam dziejnaści VELCOM u Viciebsku.
U Ministerstvie suviazi, spasłaŭšysia na toje, što adkazny za kantakty z presaj čynoŭnik u adpačynku, padzieju prakamentavać admovilisia, dy paraili źviarnucca naŭprost u VELCOM.
U adździele kantaktaŭ sa ŚMI RUP «Biełtelekam» taksama pakul nie vałodajuć aficyjnaj infarmacyjaj nakont prodažu dziaržaŭnaj častki akcyjaŭ. Adnak tam paviedamili, što ciapier rychtujecca adpaviednaje rašeńnie i ŭ chutkim časie pavinien źjavicca pres‑reliz.
Na dumku ekspertaŭ, prodaž dziaržavaj hetkaha likvidnaha aktyvu moža być źviazany ź nieabchodnaściu apłočvać hazavyja zapazyčanaści. Za kolki pradadzieny adzin z samych prybytkovych nacyjanalnych aktyvaŭ, pakul nie paviedamlajecca.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary