Namieśnica ministra zamiežnych spravaŭ uziała ŭdzieł u sustrečy kiraŭnikoŭ MZS krain Uschodniaha partniorstva i Vyšahradskaj čaćviorki, jakaja prajšła ŭ Krakavie. Tudy zaprašali ministra Makieja, ale pajechała jahonaja namieśnica. Minsk prademanstravaŭ takim čynam, što nie mocna jamu toje Uschodniaje partniorstva i treba.
Jak paviedamlaje BiełTA, u svaim vystupie Kupčyna adznačyła, što Minsk zacikaŭleny ŭ praciahnieńni prahramatyčnaha supracoŭnictva ź Jeŭrasajuzam pa linii «Uschodniaha partniorstva». Pry hetym jana źviarnuła ŭvahu «na nieabchodnaść vykanańnia bazavych pryncypaŭ partniorstva, takich jak roŭnaść i niedyskryminacyja ŭdzielnikaŭ».
U Krakavie Alena Kupčyna sustrełasia ź ministrami zamiežnych spraŭ Litvy, Hruzii, a taksama ź jeŭrakamisaram pa pytańniach pašyreńnia i jeŭrapiejskaj palityki susiedstva Štefanam Fiule. Havorka išła pra pierśpiektyvy supracoŭnictva ŭ ramkach «Uschodniaha partniorstva» dy raźvićcia ŭzajemaadnosinaŭ Biełarusi i ES.
Kamientary