Abama pryjedzie ŭ Maskvu da samitu «hrupy dvaccatki». Vizit prezidenta ZŠA Baraka Abamy ŭ Rasiju adbudziecca da samitu «hrupy dvaccaci», a taksama da kanca hoda projdzie sustreča ministraŭ zamiežnych spraŭ i abarony Rasii i ZŠA ŭ farmacie «dva plus dva». Pra heta paviedamiŭ ministr zamiežnych spravaŭ Rasii Siarhiej Łaŭroŭ
«Na palach samitu Hrupy vaśmi projdzie sustreča prezidentaŭ, da samitu Hrupy dvaccaci budzie vizit prezidenta ŭ Rasiju Baraka Abamy, pra što ŭžo skazana, i ciapier uzhadniajucca detali, kankretnyja terminy».
U adkaz na pytańnie, što budzie dalej paśla atrymańnia Abamam adkazu na svajo pasłańnie ad prezidenta Rasii Uładzimira Pucina, ministr skazaŭ: «Prezident Rasii razhledzieŭ jaho i vykładzie ŭ adkaz svaje mierkavańni pa klučavych prablemach našych adnosin, uklučajučy PRA, stratehičnuju stabilnaść i ŭsie čyńniki, jakija ŭpłyvajuć na jaje. Dalej budziem čakać reakcyi na naš adkaz», cytujuć ministra infarmacyjnyja ahienctvy.
Kamientary