Prodaž zołata i sierabra ŭ miernych źlitkach u krasaviku 2013 hoda ŭ Biełarusi rezka vyras u paraŭnańni z sakavikom. Ab hetym śviedčać statystyčnyja danyja Nacyjanalnaha banka.
U krasaviku Nacbank realizavaŭ załatyja miernyja źlitki ahulnaj vahoj 56,6 kh suprać 27,54 kh u sakaviku.Nazad było vykuplena 18,98 kh zołata ŭ źlitkach (u sakaviku - 10,7 kh). Ekśpierty ličać, što na rost pakazčykaŭ moh paŭpłyvać spad cen na zołata ŭ krasaviku.
Surjoznaje pavieličeńnie prodažu nazirałasia i pa siarebranych miernych źlitkach. Ahulnaja vaha takich źlitkaŭ, pradadzienych Nacbankam, za krasavik skłała 79,38 kh, u sakaviku było pradadziena 38 kh.Nazad vykuplena 35,73 kh sierabra ŭ źlitkach (u sakaviku - 4 kh).
Razam z tym u krasaviku nazirałasia niekatoraje źnižeńnie cikavaści da płacinavych źlitkaŭ. Takich źlitkaŭ Nacbank pradaŭ ahulnaj vahoj 554 h, u sakaviku było realizavana 644 h płaciny. Nazad u krasaviku vykuplena 387 h płaciny ŭ miernych źlitkach, u sakaviku - 46 h.
Siarod załatych i płacinavych miernych źlitkaŭ najbolšym pośpiecham u biełarusaŭ karystalisia źlitki naminałam da 50 h, siarod siarebranych - naminałam da 250 h.
Załatyja miernyja źlitki ŭ Biełarusi pradajuć Nacyjanalny bank praz svaje hałoŭnyja ŭpraŭleńni i adździaleńni (sa žniŭnia 2001 hoda) i šerah kamiercyjnych bankaŭ. Z 14 krasavika 2005 hoda Nacbank pačaŭ realizacyju siarebranych i płacinavych miernych źlitkaŭ.
Kamientary