Hruzavik razdušyŭ chutkuju dapamohu pad Viciebskam: zahinuli čatyry doktarki
U Šumilinskim rajonie Viciebskaj vobłaści ŭ DTZ siońnia ranicaj zahinuli čatyry čałavieki. U mašynu chutkaj dapamohi, jakaja stajała na ŭzbočynie, urezaŭsia hruzavik «DAF-95.430».
DTZ adbyłosia a 8-j ranicy 23 maja na aŭtadarozie Viciebsk — Połack u rajonie vioski Puščy Šumilinskaha rajona.
U vyniku DTZ u aŭtamabili «Mersedes-210D» byli zabłakavanyja piać pasažyraŭ. Ich dastali rabotniki MNS pry dapamozie śpiecinstrumienta. Zahinuli čatyry žančyny, piataja z traŭmami roznaj stupieni ciažkaści dastaŭlena ŭ balnicu.
Kiroŭcy transpartnych srodkaŭ nie paciarpieli. Mužčyna, jaki kiravaŭ mašynaj chutkaj dapamohi, u momant DTZ znachodziŭsia nie ŭ sałonie - aŭtamabil stajaŭ na ŭzbočynie z-za niaspraŭnaści ŭ matornym adsieku.
Jak paviedamlaje ximik.info, siarod zahinułych zahadčyca terapieŭtyčnaha adździaleńnia Połackaj CHB Natalla Hudkova, zahadčyca kardyjałahičnaha adździaleńnia Połackaj CHB Iryna Kazačenka, zahadčyca terapieŭtyčnaha adździaleńnia ambułatoryi «Hrom» Valancina Jarmak, zahadčyca Varanickaj balnicy siastrynskaha dahladu Alena Asavik.
***
U Połackaj centralnaj haradskoj balnicy pakul nie kamientujuć zdareńnie. Nie paviedamlajecca i kudy miedrabotniki nakiroŭvalisia. Mahčyma, heta była kanfierencyja ŭ Viciebsku.
Viadoma, što
Natalla Hudkova była žonkaj hałoŭnaha ŭrača balnicy. Jana ŭrač-terapieŭt vyšejšaj kvalifikacyjnaj katehoryi.
U Połackaj CHB pracavała z 1988 hoda. Paŭhadavuju stažyroŭku prachodziła ŭ Hiermanii va ŭniviersiteckaj klinicy horada Frydrychschafiena
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary