Biełaruski pasoł u Rasii Ihar Pietryšenka zajaviŭ pra nieabchodnaść dalejšaha raźvićcia supracoŭnictva Biełarusi z Maskvoj.
Na
Handal z Maskvoj Pietryšenka nazvaŭ «adnym z važniejšych punktaŭ ekspartu».
«Čatyry miljardy dołaraŭ ZŠA — heta naš uzajemny tavaraabarot z Maskvoj. Važna zaŭvažyć, što dola handlu z Maskvoj u našym eksparcie — heta 20%. Heta vielmi istotnaja ličba», — skazaŭ pasoł.
Jon adznačyŭ, što «ŭ Maskvie pryžyŭsia kirmašovy handal biełaruskaj pradukcyjaj», tamu Biełaruś i dalej płanuje raźvivać kirmašovy handal u rasijskaj stalicy.
Pry hetym kiraŭnik biełaruskaj dypmisii padkreśliŭ: nie ŭsia pradukcyja pad šyldaj «Tavary ź Biełarusi» takoj źjaŭlajecca. Pietryšenka paraiŭ źviartacca da handlovych pradstaŭnikoŭ Biełarusi pa atrymańnie infarmacyi ab realnych pastaŭščykach. «My pracujem u Maskvie pa pryniataj tut narmatyŭnaj bazie. My adpaviadajem usim patrabavańniam, jakija pradjaŭlaje da nas urad Maskvy. Na žal, my nie možam ručacca za luboha, chto pad šyldaj „Tavary ź Biełarusi“ handluje padrobkaj», — skazaŭ jon.
Dypłamat taksama paviedamiŭ, što ŭ Maskvie budzie raści kolkaść restaranaŭ biełaruskaj kuchni. Siońnia, pavodle jaho źviestak, u Maskvie pracujuć čatyry restarany biełaruskaj kuchni.«U Biełarusi smačnaja i vielmi bahataja nacyjanalnaja kuchnia, jakaja znojdzie naviedvalnikaŭ, — pierakanany jon. — Tak što my zaprašajem pradprymalnikaŭ prasoŭvać restarany našaj nacyjanalnaj kuchni. My ŭžo viadziem pieramovy sa staličnymi i biełaruskimi pradprymalnikami, u jakich jość peŭnaja cikavaść u restarannym biźniesie. U pierśpiektyvie my pasprabujem adkryć u Maskvie jašče niekalki nacyjanalnych restarančykaŭ».
Pasoł Biełarusi nahadaŭ, što nie tak daŭno (u listapadzie 2012 hoda) u Minsku prajšli Dni Maskvy, adkazam na jakija stanuć Dni Minska ŭ Maskvie. «Tady, na dniach Maskvy ŭ Minsku, u nas pabyvali pradstaŭniki rasijskaj stalicy, atrymałasia plonna papracavać. Spadziajusia, na zapłanavanych na vosień Dniach Minska ŭ Maskvie ŭsio projdzie tolki lepš», — skazaŭ Ihar Pietryšenka.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja5
Kamientary