U suviazi ź pieramiaščeńniem cykłonu praz terytoryju Biełarusi, siońnia 25 maja (subota), da kanca dnia na zachadzie krainy čakajucca mocnyja daždžy, paviedamlaje Biełhidramieteacentr.
U suviazi z hetym MNS rekamienduje:
Pry atrymańni infarmacyi pra vypadzieńni vialikich apadkaŭ ustrymajciesia ad pajezdak pa horadzie, pa mahčymaści zastavajciesia ŭ kvatery ci na pracy. Uklučycie srodki pravadnoha i radyjoviaščańnia.
Kali zaleva zaśpieła vas na vulicy, nie spuskajciesia ŭ padziemnyja pierachody i inšyja zahłyblenyja pamiaškańni. Pasprabujcie schavacca ŭ budynkach, raźmieščanych vyšej mahčymaha ŭzroŭniu padtapleńnia.
Kali budynak (pamiaškańnie), u jakim vy znachodziciesia, padtaplajecca, pasprabujcie pakinuć jaho i pierajści na bližejšaje ŭzvyšša.
Kali pakinuć budynak nie ŭjaŭlajecca mahčymym, to padnimiciesia na vierchnija pavierchi, vyklučycie elektryčnaść i haz, ščylna začynicie vokny, dźviery i paviedamicie pra svajo miescaznachodžańnie ŭ dziažurnuju słužbu MNS pa teł. 101.
Kali zaleva zastała vas u asabistym transparcie, nie sprabujcie pieraadoleć padtoplenyja ŭčastki. Pavolna pieramiaściciesia ŭ krajni pravy šerah (na ŭzbočynu) i, nie źviartajučysia da ekstranaha tarmažeńnia, spynicie ruch. Uklučycie avaryjnyja sihnały i pieračakajcie zalevu. U vypadku imklivaha prybyvańnia vady pakińcie aŭto i prajdzicie na vyšejšy ŭčastak miascovaści abo ŭ bližejšy budynak.
***
U niadzielu, 26 maja miescami pa krainie projduć niepraciahłyja navalničnyja daždžy. Viecier paŭdniova-ŭschodni, paŭdniovy ŭmierany, pry navalnicach paryvisty. Tempieratura pavietra: minimalnaja nočču +7 .. +13 ° S, maksimalnaja dniom +19 .. +25 ° S.
