Za śviata Trojcy kiraŭnik Hłyboččyny prapanavaŭ dziakavać Łukašenku
26 traŭnia ŭ Hłybokim katoliki adznačyli śviata Trojcy. Paśla imšy haradžanie tančyli na płoščy.
Fest u honar śviatoj Trojcy prachodzić u Hłybokim štohod, bo miascovy kaścioł maje tytuł kaścioła śviatoj Trojcy.Sioletni fest byŭ asablivym: u hetyja dni probašč kaścioła ksiondz Miečysłaŭ Jančyšyn adznačaje 25-hodździe śviatarstva. U suviazi z hetym na śviacie prysutničali Apostalski administratar Viciebskaj dyjacezii ksiondz-prełat Francišak Kisiel, a taksama pradstaŭniki miascovaj ułady — kiraŭnik rajvykankama Aleh Morchat i namieśnica kiraŭnika pa sacyjalnych pytańniach Halina Unukovič.
Na zakančeńni imšy słova atrymaŭ kiraŭnik rajona Aleh Morchat. Jon pavinšavaŭ viernikaŭ sa śviatam i adznačyŭ: za toje, što my tut sabralisia, treba padziakavać prezidentu.
Naprykancy bohasłužeńnia vierniki prajšli pracesijaj vakoł płoščy 17 vieraśnia.
A paśla dla ŭsich prahučaŭ kancert u vykanańni ansambla z Pastavaŭ “Paazierje”. Usie achvotnyja mahli patančyć na płoščy. U tancach brali ŭdzieł navat śviatary.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary