Papa rymski Francišak raskrytykavaŭ italjanskuju mafiju i zaklikaŭ złačyncaŭ malicca.
Ab hetym pantyfik zajaviŭ padčas svajho tradycyjnaha niadzielnaha zvarotu na płoščy śviatoha Piatra ŭ Rymie.
«Ja dumaju pra ŭsie pakuty mužčyn, žančyn i navat dziaciej, jakich vykarystoŭvaje mafija. Jany vymušanyja vykonvać pracu, jakaja pieratvaraje ich u raboŭ, naprykład, zajmacca prastytucyjaj. My molimsia, kab hetyja mafijoznyja mužčyny i žančyny źviarnulisia da Boha», — skazaŭ Francišak.
U subotu sicylijski śviatar Džuzepe Puljizi, zabity paśla zaklikaŭ da viernikaŭ supraćstajać mafii, byŭ pryznany pakutnikam i dałučany da liku błažennych. Pry žyćci jon nieadnarazova kazaŭ pra toje, što Cosa Nostra viarbuje maładych ludziej, karystajučysia ich niavopytnaściu i prahaj lohkich hrošaj, i zaklikaŭ viernikaŭ nie paddavacca spakusam.
Pa słovach papy rymskaha, Puljizi byŭ uzornym śviatarom, jaki ratavaŭ moładź ad arhanizavanaj złačynnaści. «Tamu jana (mafija) pasprabavała źniščyć jaho, zabiŭšy jaho», — dadaŭ Francišak.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary