U Biełarusi z 1 červienia na 20% pavialičycca košt kantrolnych znakaŭ dla markiroŭki kavy, harbaty, piva i minierałki, aleju, noŭtbukaŭ, alivy dy niekatorych inšych charčovych i niecharčovych tavaraŭ.Heta praduhledžana pastanovaj Ministerstva finansaŭ №31 ad 20 maja 2013 hoda, aficyjna apublikavanaj siońnia na Nacyjanalnym pravavym internet-partale.
Tak, pavialičvajecca z Br100 do Br120 košt kantrolnaha (identyfikacyjnaha) znaka, jaki vykarystoŭvajecca dla markiroŭki aleju, ikry asiatrovych i jaje zamieńnikaŭ, rybnych kansiervaŭ u blašancy, sokaŭ z sadaviny i aharodniny, minieralnaj i haziravanaj vady, soładavaha piva, słabaałkaholnych napitkaŭ z abjomnaj dolaj etyłavaha śpirtu nie bolš za 7%, kavy i jaje zamieńnikaŭ, čaju z smakava-aramatyčnym dabaŭkami abo bieź ich.
Akramia taho, padaražańnie zakranie kantrolnyja znaki dla roznych myjnych srodkaŭ, antyfryzaŭ (u tym liku tasołaŭ) i antyabledzianialnych vadkaściej, abutku, jaki nie byŭ vykarystańni, pryntaraŭ, noŭtbukaŭ, mabilnych telefonaŭ, manitoraŭ, televizaraŭ, hadzińnikaŭ.
Taksama z Br450 da Br540 pavialičycca košt kantrolnaha znaka, jaki vykarystoŭvajecca dla markiroŭki alivy.
U Ministerstvie finansaŭ rastłumačyli, što košt kantrolnych znakaŭ pavialičvajecca štohod. Heta źviazana z rostam zatrat vytvorcaŭ kantrolnych znakaŭ.